http://www.reclams.org

En Ondas setm. 17 Eric Fraj

ABC del Saber,Constantin Castoriadis,En Ondas,Eric Fraj,Erich Fromm,Fernand Vedel,http://www.reclams.org,Michel Grosclaude,Ràdio podcast de resisténcia en occitan,Reclams edicions

En aquera edicion d’En Ondas que devisam dab Eric Fraj [professor de filosofia, de castelhan, autor-compositor-interprèt…], dens l’ABC del saber n° 3, cap-redactor e autor, dab l’Editoriau, lo Lexic e un article sus l’inumanitat. L’Abc del saber n° 3 Umans tròp umans ?, 124 pp. color ; 19 euros en çò de Reclams edicions.

Articles a l’asard qui n’averam quitament pas avut lo partat d’evocar dens l’entervista :
– Alem Surre-Garcia, lo culte de Mithra, percaçat per la glèisa a Tolosa en 2024
– Jaume Jaussaud-Max Valax : ressorças « umanas” avetz dit umans ? Gestion deu personau d’autant mei violent parièr que klo personau e vad riale e mots (donc concèptes) qui passan aus oblidats : « classa obrèra”… quan precaritat, espleitacion que perduran eths !
– Sèrgi Javaloyès – en aumenatge a Itxaro Borda, l’escrivana basca – la Poste ® com antidòt d’umanitat epistolària e amistosa : un moment suspenut qui anima la revista.
– E lo passionant article d’excelléncia de Fernand Vedel deu quau parlam, especialista de l’ADN, sus las originas umanas : de las poscas d’estelas a la perfeccion autoproclamada : lo sapiens. Un Sapiens – qui n’ei pas briga savi – qui s’i escad dens lo darrèr quart d’òra deu planeta a s’ac tot destrusir… Lo Neandertal, que sabó víver en equilibri dab l’environament, que serà estat eth, luenh d’estar autant bruta que n’èm nosautes : qu’aligam demografia e creishença a contunha en un monde fenit e constrenh.

Reclams edicions 18 camin de Gasconha 31800 LANDORTHE
reclamsedicions @hadiu
Lo blòg https://abcdelsaber.fr/
Legem e tornem léger L’ABC del saber e en especiau aqueth numèro 3 Umans, trop umans ?https://www.reclams.org/fr/catalogue/produit/204-l-abc-del-saber-umans-trop-umans

Las musicas d’En Ondas
• PPF Ua botelha a la mar
• Yann van den Cruyssen Seasons after fall – Intro
• Andrea Volenweider Into the burning circle
• Arnau Obilos Els carrèrs seràn el cèl
• Arild Andersen Electra Big bang [d’alhors dens L’abc n° 3 Fernand Vedel que ns’indica que lo Big Bang ne seré pas lo generator deu noste univèrs mes meilèu la resultanta.]
• Christian Vieussens Esquiç seguit d’Auròst Esquiç 5
 Sonaus de Joan Francés Tisnèr Winter Surge inedit

Las 39 candeletas d’En Ondas (octobre de 2023 – junh de 2024)

ABC del Saber,Adelina Biès-Robillard,Adeline Yzac,Anne-Pierre Darrées,Aquò d'Aquí,Astronomia,Bernat Manciet,Cecila Chapduelh,Danís Chapduelh,Didier Tousis,Dominique Marchais,Dordogne Dordonha,En Ondas,energia,Escòla Nidau,Euròpa,Felip Biu,Francis Beigbeder,Frederic Handy,Gaston Febus,Gave d'Auloron,Gaves,http://www.reclams.org,Jaume Jaussaud,Joan Francés Tisnèr,Joan-Ives Casanòva,Joan-Luc Landi,Joan-Pèire Poquet,Katy Bernard,La Rivière,Lo gai saber,Manufacture Verbale,Miquèla Stenta,Musée du protestantisme Jeanne d'Albret,Per Noste,Ràdio podcast de resisténcia en occitan,Rémi Cabanac,Reclams,Remesi Bòi,Rigaut de Barbesiu,Roland Pecout | Rotland Pecot,ubèrt dutech

En Ondas setm. 21 Jaume Jaussaud

En Ondas,energia,http://www.reclams.org,Japon,Jaume Jaussaud,Ràdio podcast de resisténcia en occitan,Reclams,Reclams edicions,Uppa

Aquesta setmana lo N° 2 de l’ABC del Saber : Energia, dens lo monde, en los sons enjòcs, i comprés geopolitics, o dens l’istòria, las solucions a l’òbra uei o enqüèra l’energia e l’uman.
Jaume Jaussaud qu’ei lo cap-redactor d’aquera liurason Energia e que ns’a plan volut respóner.
Nikola Tesla « If you want to find the secrets of the universe, think in terms of energy, frequency and vibrations.”
19 collaboradors tau n° 2 de la navèra revista l’ABC del Saber.
180pp. Tot en color. 19 euros. Reclams edicions.

L’emission que s’acaba en devisar deu Japon on se rend sovent Jaume Jaussaud per rasons professionaus : la question de l’energia qu’ei l’enjòc – per’mor la situacion geografica e istorica – de questionaments aguts e dolorós.

Las musicas d’En Ondas :
• Manufactures verbales suite aquacole
• Rodin Solèu d’argent
• Brian Eno John Hopkins and Leo Abrahams Small craft on a milk sea Bone jump + Two forms of anger
• Battle Mirrored Prismism
• Francés Dumeaux extrèits de la creacion IKARUSU, en març de 2011 de la catastròfa – tostemps en cors – de Fukushima-Daichi
 Sonaus de Joan Francés Tisnèr Winter Surge

En Ondas setm. 08 Sarà e Carò [dif. nav.]

Caroline Dufau,Cocanha,Domenja Lekuona,En Ondas,http://www.reclams.org,Ràdio podcast de resisténcia en occitan,Ràdio podcast en occitan,Reclams

Au somari d’En Ondas en navèra escota ua emission de 2017 :
Sarà e Carò
• Sarà qu’ei bonetaira a Auloron La Manufacture de bérets,
• Carò qu’ei artista cantaira – e shens que – enter Tolosa e Bearn e lo planeta Cocanha
encontradas totas duas au hestau Primtemps de L’Arribèra de Sent Pèr edicion 2017 que ns’entertienen de las lors activitats professionaus.

Tanben que’vs desteca l’edicion d’En Ondas deu somari deu n° 841 deus Reclams darrèr trimèstre de 2016.

Las musicas d’En ondas :
• Cocanha I ÈS ? Label Pagans
• Dempuei Auriac
• La Comair mosca / Sus la nosta trilha
• Lo companhon d’Avairon
• Sus la punta de l’espada
 Sonaus de Joan Francés Tisnèr Crane airways deu disc Transpòrts Tisnèr S.A. e lo remix de Francés Dumeaux tà sortir de l’emission

En Ondas setm. 43 Eric Gonzales 1

Albert Camus,Amélie Nothomb,En Ondas,Eric Gonzales,http://www.reclams.org,Miquèu de Camelat,Occitan numeric,Per Noste,Ràdio podcast de resisténcia en occitan,Ràdio podcast en occitan,Reclams,Reclams edicions,Simin Palay,Traduccion en occitan

Eric Gonzalès [1964-2023] que ns’a quitat augan au mes de mai.
En navèra difusion duas emissions de 2009 qui tornèi adobar en 2020.
Eric qu’èra un fin coneishedor de la lenga. Que sia mercejat tà tot çò qui ns’a aportat.

Un dia qu’avoi l’astre d’obtiéner – au telefòne – ua entervista d’Eric Gonzales. Qu’èra en 2009. Que la ve perpausi tornar dens un montatge drin abracat (la musica), au format 45’ e tostemps en duas emissions. Lo parat de tornar sus la soa destinada literara.

Au començar de 2020, Eric Gonzalès qu’ei au nombre deus editors intellectuaus – dab Maurici Romieu, Sèrgi Javaloyès e Joan Luc Landi – de l’edicion nava deu Dictionnaire du béarnais et du gascon modernes dit de Simin Palay, dont escriu lo prefaci pertocant la grafia.

Dus tòmes d’ara enlà disponibles aqueste començar de 2020, co-editats per Lo congrès de la lenga occitana e Reclams.
https://escolagastonfebus.com/langue/le-dictionnaire-de-palay-enfin-reedite/

Jouèb : http://diaperdia.centerblog.net/ dont lo darrèr article partatjat ei « Modernizar lo gascon” en data deu 17 de heurèr de 2020. http://diaperdia.centerblog.net/6488076–modernizar-la-lenga-nosta
wiki : https://fr.wikipedia.org/wiki/%C3%89ric_Gonzal%C3%A8s & https://oc.wikipedia.org/wiki/Eric_Gonzales o drin mei drin « Enquèstas linguisticas boharòcas » : http://diaperdia.centerblog.net/6488089-enquestas-linguisticas-boharocas.

Las musicas d’En Ondas

Wax Tailor Que serà, serà
Arabian music from Fez and Marroco
Guilhem Lopez Sòmi de Granada Granada
Artús Òrb ATC
Japanesa drums Yoyi Hirota
Björk Innocence

En Ondas setm. 20 Anna-Pèire Darrées ABC del Saber : Guèrra

ABC del Saber,Anne-Pierre Darrées,En Ondas,Guèrra,http://www.reclams.org,Ràdio podcast de resisténcia en occitan,Reclams

Tresau temps dab Anna-Pèire Darrées entà parlar deu libe-revista L’ABC del saber : Guèrra

De’vs procurar per exemple a Espaci Occitan deus Aups o libreria Aqueras montanhas a la ciutat a Pau e d’autas com la Librària occitana a Lemòtges], tanben suus sites https://reclams.org e https://abcdelsaber.fr (site màgerment entertienut e illustrat per Jean-Claude Clermont).

Anna-Pèire que ns’a interessat de l’entervistar tà crotzar las paraulas e las musicas interioras sus la guèrra dens la revista pareishuda en çò de las edicions Reclams au començar de l’an de 2023.

En un temps quan avem lo sentiment (lhèu tot subjectiu d’alhors) que la generacion occitanò parlanta, occitanò productiva deus 60-80 ans ei a desaparéisher shens aver vertadèrament format los quadres d’ua pensada occitana originau, los promotors d’aquera demarcha qu’an probable vist l’urgéncia de pensar ua tau produccion.

—– L’ABC del saber Ni rire, ni plorar, comprendre : Guèrra, heurèr de 2023. Cap-redactor Eric Fraj. Maqueta e compaginacion Gilles Conte. Cob. e ill. colors, ill NB, 109p. Format magazine. Reclams. 19 euros.

Las musicas d’En Ondas :
• Sonaus divèrs e sustot d’Artús, Vieussens, Manufacture verbale 1èra faiçon.
• Camelicà de Joan Francés Tisnèr Las Guèrras son cridadas dab las flabutas guerrièras e enrabiadas de Crestian Vieussens, tanben l’airejanta de Mixel Etxekopar.
 Sonaus de Joan Francés Tisnèr Winter Surge inedit

En Ondas setm. 17 Eric Fraj 1/2 ABC del Saber Guèrra

ABC del Saber,Anne-Pierre Darrées,Baruch Spinoza,Cristian Lagarda,En Ondas,Eric Fraj,Felip Martel,Guèrra,http://www.reclams.org,Jaume Jaussaud,Jean-Louis Calvet,Marçal Girbau,Maurici Romieu,Ràdio podcast de resisténcia en occitan,Reclams

Que prenem un temps necessari tà parlar d’un eveniment singular autant com riale entà la lenga occitana que lo de la vaduda de la revista-libe o deu libe-revista L’ABC del saber : Guèrra a Espaci Occitan deus Aups com a la libreria Aqueras montanhas a la ciutat a Pau, tanben suu site https://reclams.org.

Publicacion pareishuda en çò de las edicions Reclams – çò qui’m da lo parat de declarar lo men conflicte d’interès (de benevòle) dab l’editor. Dens aquera prumèra emission de 4 que seram d’abòrd en companhia deu cap-redactor (entà duas emissions d’En Ondas). Puish dab ua deus collaboradors en la persona d’Anna-Pèir Darreas, tanben entà dus numèros d’En Ondas.
Eric Fraj – agregat de filosofia – que nse ditz que l’occitanisme… o entà d’ac mei plan exprimir com ac hè, los occitanismes que son dejà filosofias en se e de resisténcias en especiau.

Lo libe-revista que’s hè dens ua amira de vulgarizacion non-partisana de las ideas. Duas de las soas tilhas que’n son la Vertat e la Libertat correladas au saber. Que testimonia qu’èm ua societat com las autas qui exprimeish las soas ideas dens la soa lenga. Los articles que son en grana proporcion en occitan, quauques uns que son escriuts en catalan e au briu deu centenat de paginas cada article qu’ei introdusit per tres abracat : en occitan, e tanben en francés e en anglés.
—– L’ABC del saber Ni rire, ni plorar, comprendre : Guèrra, heurèr de 2023. Cap-redactor Eric Fraj. Maqueta e compaginacion Gilles Conte. Cob. e ill. colors, ill NB, 109p. Format magazine. Reclams. 19 euros.

D’autas revistas : justament Reclams n° 866 on Maurici Romieu en un complement au capítol lenga e nse bremba la purga aus gasconismes en francés a partir de Malherbe qui n’acaba dab la tendéncia en francés a « dèxtra-ment causir e apropriar a la toa òbra los mots mei significatius deus dialèctes…” Pierre de Ronsard, çò qui dè l’edicion apuish de mantuns obratges de Gasconismes corregits. Tanben Andrèu Pic, Arturo Pérez-Reverte (revirat per Joaquim blasco), Julien Gracq revirat per Sèrgi Javaloyès Reclams 75pp. cap redactor M. Romieu. Cob. col., ill. NB. 10 euros
Lo gai saber 567-568 que desbonda dab Joan Penent ua furiosa – aparenta mes lhèu pas devoranta qu’ei çò qui’u desiram – ràbia criticosa deus qui publican, justament dens la rubrica-tèma: Del bon usatge de la lenga occitana. Que passa notablament au son crible L’ABC del saber n°1 e a d’aqueth prisme 152p. cob. col. Cap-redactor Joan Penent. 15 euros. De i notar un article suu libe deu Robèrt Lafont per Florian Vernet Petita istòria europèa d’Occitània, Trabucaire 2003. Aquò d’aqui 352 que perpausa un n° especiau Amb Robèrt Lafont lo Risorgimento occitan au parat deu centenari de la vaduda.

Dab Eric Fraj que devisam dens En Ondas deu tèma de l’ABC del saber n° 1 Ni rire, ni plorar, comprendre : Guèrra. La guèrra ua question transistorica e permanenta qui interròga la lei deu mei hòrt a la quau los occitanismes e son sensibles. | En compagnie d’Eric Fraj nous devisons dans En Ondas du thème du 1er numéro de l’ABC del Saber : Guèrra. La guerre une question transhistorique et permanente qui interroge la loi du plus fort à laquelle les occitanismes sont sensibles.

Las musicas d’En Ondas
• Pink Floyd A mountain lapse of reason The dogs of war
• Artús Ors la Hòla
• Kraftwerk Radioactivity
• Robert Wyatt Comicopera Beautiful war
• Meredith Monk Mercy Line 1
 Sonaus de Joan Francés Tisnèr Winter Surge inedit

En Ondas setm. 13 Joan Miquèu Dordeins

Bernat Cauhapè,Bernat Combi,En Ondas,Felip Gardy,Henri Irénée Marrou,http://www.reclams.org,Joan Miquèu Dordeins,Reclams edicions

Dens En Ondas qu’ei question d’un libe de poèmas de joenèr, d’ua mustra, d’ua serada d’ajuda solidària e de Murtres en cadena, lo libe de Joan Miquèu Dordeins pareishut aus Reclams fin de 2022. Un polar tot prestit de classicitat, un moment hòrt agradiu de lectura.

Murtres en cadena, Joan Miquèu Dordeins, Reclams edicions 2022, 261pp., cob. color, coll. Vias negras. 17 euros.

Presentacion publica
AQUERAS MONTANHAS, libreria, la CIUTAT, plaça Recaborde 64000 PAU
Dissabte 15/04/2023 a 11h

Lo libre de joentut 1920-1931 Henri Irénée Marrou per Felip Gardy Ed. Cahiers du carrefour Ventadour.
Philippe Gardy, universitari, director de recèrca onorari au CNRS, especialista dens l’estudi de la literatura occitana, de l’atge barròc a l’epòca contemporanèa, qu’a ensenhat a las facultats de Bordèu e Montpelhièr. Poèta e novelista, qu’ei l’autor d’un detzenat d’obratges de tria en occitan.

Mentre lo maire de Rodés e tempta de massacrar l’Estivada. La mustra de Bernat Cauhapè K.O.P., un deus actors de la quita Estivada longs ans de reng, Acabatz d’entrar que serà inaugurada en preséncia de las autoritats deu departament d’Avairon, lo divés 7 d’abriu a 6 h deu vrèspe au tribunau de las arts 8 baloard Aristide Briand a Sent-Africa. Vedederas dinc au 27 d’abriu, las òbras d’un uelh, d’ua pensada e de mans singularas. De non pas mancar. Inauguracion seguida d’ua performància deu quite actor e pintor-plastician a la sala de las Colonas sala de las hèstas de Sent-Africa. Rensenhament mailto:patrick.couffin@wanadoo.fr president de l’associacion Cap l’òc.

Que s’eslissan dens En Ondas un aperet a solidaritat au cantaire Bernat Combi dab quauques uas de las soas musicas. Bernat Combi, qu’estó victima d’un Accident Vascular Cerebrau en aost passat. La condicion fisica que vien complicar mei la soa existéncia. Ua serada de sostien solidària qu’ei organizada lo divés 31 de març, sala Latreille a Tula a partir de sèt òras e mieja deu ser. Entrada 10 euros rensenhaments www.baladoctula.org dab la projeccion de Laus daus gaus (L’elògi deu pisha-au-lhèit) de Jean Louis Maury a 7h30 deu ser puish bal dab La Galoche 9h.

Las musicas d’En Ondas
• Eschantis Bernat Combi e Peirat Escotas
• Andreas Vollenweider Dancing with the Lion Silver Dew, Golden Grass
• Jammu Africa – Ismaêl Lô
• Eschantis Bernat Combi e Peirat Chant deus aulhats _ Opus H5N1
• Thomas Baudoin Roman Colautti D’en Haut
 Sonaus de Joan Francés Tisnèr Winter Surge inedit