I am an occitan radio producer in occitan language | Que soi ua productora-ràdio de programas en occitan | Je suis une productrice de programmes radio en occitan
En navèra escota : La bocada quatau de l’entervista qui m’acordè Yvan Bareyre començar de seteme de 2016. Arron lo bastidor-cantaire, lo productor ràdio, l’òmi de l’accion umanitària, adara que’s projecta l’òmi dens ua expression actuau : la collècta video.
25 au concors bigordan d’escritura
Lo n ° 118 de la revista Òc seteme de 2016 XIVau tièra de la revista de las letras e de la pensada occitanas qui la gahadera ei « Apartienem au Monde”.
En çò deu Trabucaire : Lo luec d’enluec de Thierry Offre a la Coll Pròsa occitana
Las musicas d’En ondas : * Radiohead A hail of thief I will * May monday Midnight Karen Tweed e Timo Alakotila Midnight Macmaster * (inedit) No passaràn Hé Hé Ho Francis Lassus Louis Sclavis Joan Francés Tisnèr * (inedit) Batahòri Be i a longtemps joenessa Joan Francés Tisnèr Jakes Aymonino Roman Baudoin Sonaus de Joan Francés Tisnèr Crane airways deu disc Transpòrts Tisnèr S.A. e lo remix de Francés Dumeaux tà sortir de l’emission.
Que perseguim aquesta setmana de difusar l’entertien cuelhut au près d’Yvan Bareyre : arron lo bastidor, lo productor ràdio a Radio Adour Navarre que trabucam presentament la persona engatjada dens projèctes umanitaris. E d’abòrd de’u trobar tornar que devisam de quauques informacions literàrias e especiaument d’ua formacion a la traduccion occitana : « Enjeux et pratiques de la traduction en occitan » rens. : AIDO 06 81 30 57 67 camins.letras@orange.fr
Que devisam sustot de la parucion d’un obratge de la traca biografica a la lutz de la lectura de la soa òbra, e fotografic tanben sus Marcela Delpastre : lo diamant de la literatura occitana. « Marcelle Delpaste, à fleur de l’âme” en çò de Vent Terral per Miquèla Stenta e las fotografias de Charles Camberoque. Extrèits sus https://issuu.com/vent-terral/docs/de… per comandar : http://www.vent-terral.com/blog/ ISBN 2978-2-85927-118-3 / 21 x 21 cm / 120 p. / 22 € Éditions Vent Terral / collection « Hommes & femmes d’Occitanie » Published Set, 2016
Las musicas d’En Ondas : * Arild Andersen Electra Chorus I * Olivier Peirat e Jan Dau Melhau en Concèrt captacion que realizèi a l’Estivada quauques annadas i a * Une anche passe Nigriz Escotijo politiko * Montanaro duo Miquèu e Balthazar Pipa d’aiga * Tenareze Aral Evros * Tenareze Aral Bueltea dans le gaz Sonaus de Joan Francés Tisnèr Crane airways deu disc Transpòrts Tisnèr S.A. e lo remix de Francés Dumeaux tà sortir de l’emission.
En navèra escota ua seria radiofonica de 2016 : Lo somari deu n° 839 de Reclams dusau trimèstre de 2016 qui sortiva de paréisher. Que perseguim de difusar l’entervista d’Yvan Bareyre qui encontram au long de quate emissions. Qu’ei gascon d’un país d’aigas, de bartas, de cantas, de lenga : lo baish ador. Arron lo bastidor e lo cantaire, Yvan Bareyre, productor de « Adishatz monde » emissions gascona sus Radio Adour Navarre de 1978-79 dinc a 1987. Encontrem a un contrabandista ertzian.
Las musicas d’En Ondas : • PPF Marc Perrone Toussaint Gabriel Valse Lo curèr de la Capèla • TNarRèze Folle blanche • Hammon Martin Sous le tilleul Venus fly trap • Zaldibobo Basajaun Basajaun Sonaus de Joan Francés Tisnèr Crane airways deu disc Transpòrts Tisnèr S.A. e lo remix de Francés Dumeaux tà sortir de l’emission.
Emission en navèra escota Lo somari deu n° 64 de Patrimòni qui sortiva de paréisher lavetz, ua ofèrta de l’editor Letras d’Òc e lo començar d’entervista de la persona qui encontram au long de quate emissions. Que s’apèra Yvan Bareyre e qu’ei gascon deu baish ador.
Las musicas d’En ondas : * Lo Barrut L’ombra de mai * Tenareze Aral La Velte * Vaillant Sette Franzin La Bèla naissença Sus Sus Companhons * Semiac en Bigòrra La plenta deu pastor * Joan Miquèu & Felip Espinasse Nina Sonaus de Joan Francés Tisnèr Crane airways deu disc Transpòrts Tisnèr S.A. e lo remix de Francés Dumeaux tà sortir de l’emission.
Qu’ei un azard absolut qui nse hè difusar l’encontre dab Evà Cassagnet au moment quan serà la prumèra presentacion a la Ciutat, deu Clacamion, la soa navèra seria a Òc Telé. Pas calculat mes tant de bon s’ei dens lo briu ! « La creacion qu’ei lo moment quan soi en patz » ce nse hida Eva Cassagnet, autora-creatora-realizatora.
Las musicas d’En Ondas • Otxo Kokinak Jamei • Lo Garifonfon Ua, miduna, mitrena 3 • Brian Eno Music for films Dark waters • C. Vieussens Auròst Esquiç • Quauques captacions de griths, sapos e chivaus a cracar au ras d‘e l’ua aigueta. • Hitilh Hartèra Sonaus de Joan Francés Tisnèr Winter Surge inedit
Patric Guilhemjoan que nse presenta Ça-i dab jo !, un metòde d’apréner l’occitan-gascon entaus gropes. Un metòde qui s’adreça en prioritat aus ensenhaires. Un formidable utís i comprés taus qui s’i volerén har d’ensenhar. De trobar au près de https://pernoste.com. Mentre las hèstas de cap d’an e lo lor tròp de presents inutiles e s’aprèssan, non sèi pas tròp qué auherir, a despart de libes ! Los e las qui saben léger – me figuri – que trobaràn tostemps gai a descobrir univèrs desparièrs e los e las qui non, que poderàn apréner a manejar e entrar dens un libe e apréner a léger : causa hòrt diferenta que là de’s crebar los uelhs sus ua tela miní, mejana e gigantassa ! Que vs’aconselhi entà trobar lo vòste bonur de lecturas en occitan de vs’apressar de librerias especializadas en lenga e civilizacion nostas ! Que serà la prumèra part de l’edicion d’En Ondas d’aquesta setmana. B’ei luenh adara la rentrada escolara, per tant entaus qui considerarén cambiar d’orizont professionau en los mestièrs d’apréner la lenga, un utís servider que serà lo Ça-i dab jo ! manuau e metòde d’aprentissatge en linha produsit per Patric Guilhemjoan e autes valents en çò de Per noste a la rentrada de 2024 : e badonc que l’encontram au Patric Guilhemjoan tà’n parlar.
Las musicas d’En Ondas • Marc Mellits String quartet Quattuor Arnaga – Groove Canon • Francis Lassus La vie, la vie Le globe bleu • Viatge en lenga Lo rondèu novèu de Jan Mari Carlòtii visitat tornar peu mainats e collegians de Calandreta Roman Baudoin e Joan Francés Tisnèr • Marc Mellits StrinG quartet Quattuor Arnaga – December 1989 • Bobby McFerrin Circlesongs n° 7 Sonaus de Joan Francés Tisnèr Winter Surge inedit
La proposicion d’aquesta setmana qu’ei d’encontrar a Jacolet Abadia entau libe La Chélidoine : des plantes, des femmes et des hommes en Gascogne et ailleurs dont a entinoat e gavidat la realizacion dab un onzenat d’amics [si jamei e’m perdonatz lo compte]. Dab lo concors deu CLAB Conservatòri deus legumes vielhs de Bearn qui ei un vergèr, un casau e autanplan un musèu botanic vitèc, qui trobam a Assat. Lo prètz de las ventas qu’ei sancèr barrejat a l’estructura qui n’a permetut la vaduda. Un beròi pavat de 346 pp., cob col. Ua pintrura de Marie-Claude Dutour. Illustracions dessenhs e fotografias en negre e blanc de Na Dutour e Sophie Mattiucci ; arreviradas a l’occitan de Pèire Salas, 25 euros. Libe animat per soviers, anecdòtas, recèptas. .. Un obratge a l’encòp seriós e documentat suus sòus, las èrbas, frutas de tot escantilh e tanben bucolic qui pòrta a sortir tà véder, sentir, escotar si tot ei enqüèra en vita !
Navèth encontre tà la Hèsta de la lenga lo dissabte 5 de julhet a Salas de Baura. Tot lo dia lo CLAB que serà present dab la publicacion e los sons animators.
Anóncia en locau – e lhèu mei alargat apuish – si los convidan aqueths ahuecats de botanica en occitan e en francés (Jacolet e los sons ajudes que’s pòden desplaçar on los convidaràn). La Civada, lo C.L.A.B. e l’Ostau Bearnés qu’organizan ua batalèra sala multimèdia de Morlans, honset Senta Fe | Impasse Sainte-Foy, lo divés 29 de noveme a comptar de 6 h e mieja deu ser (arcuelh tanlèu 18 òras). CLAB 06 15 57 93 39 https://www.helloasso.com/associations/conservatoire-des-legumes-anciens-du-bearn/evenements/la-chelidoine-2024 D’autes encontres a l’entorn deu libe que’s hasón a Morlaàs a l’entorn de La Civada, a Ortès dab Lo Topin de Lenga, a Laruenh…, lo 6 de junh a Pau en l’encontre literari a la Ciutat.
Las musicas d’En Ondas • La Fabrique Acides folkloriques et produits dérivés Los uelhs dubèrts • Flor envèrsa • Pagalhós La Sobirana Garbura Sonaus de Joan Francés Tisnèr Winter Surge inedit
L’envitada d’En Ondas, Clàudia Labandés que nse hida qu’ei au moment de miar la soa psicanalisi que s’avisè – enter autes constats – que « n’èra pas normau de non pas conéisher la (soa) lenga” (fin de citacion).
D’aquesta passa de hestejar lo centenari deu transferiment deu còs de Jaurès au Panteon parisenc en 1924 – b’ei temps probable entau monde de descobrir o de léger tornar au Jean Jaurès, originari de Tarn… occitanòparlant e qui escrivó sus la lenga.
Que i seré de qué practicar ua psicanalisi en gran : la de las poblacions, deus pòbles. Ce’m sembla que d’aquesta passa que son e qu’èm mei anar mei esvarjats e shens repèris. Temps de treboladas, dont aprofieitan los poderós de malur qui jamei n’espian las causas sus las quaus e convien de tribalhar mes aubedeishen au capitau e cèrcan lo lor pròpi interès a corta vista.
De’vs recomandar, pareishut à Per Noste Lo Matricule 1628 pendent la guèrrad’Edoard Moliar 216 paginas – 14 x 22 – 2024 – 12 € Isabèu Carrier La Caisholeta d’Anatòli, 2022 36 pp. 13,50 euros. Un libe simple, clar e filosofic dab un personatge qui pòrta un pes, un tristèr qui pòden espravar hèra de chins en s’arrossegar situacions qui ne’us apartienen pas. La temptacion d’evitar e d’estujà’s ? Ei un camin qui cau préner ? Entà contactar lo 11au prèmi literari Calandreta 2024-2025 premi.literari.calandreta@gmail.com
Estudiantas deu CFPòC(lo site navèth dessenhat per Noémie Pulido) que demandèn a Clàudia Labandés lavetz formadora, de respóner aus lors questionaments. Que dà Dificultats gramaticaus dont ei la dusau edicion aumentada en 2024 en çò de Per Noste.
Las musicas d’En Ondas • Viatge en lenga Au noste pomèr Collegians, Romain Baudoin, Joan Francés Tisnèr • Violons barbar Barbar rock • Aziz Sahmaoui & University of Gnawâ Alf Hilat • Viatge en Lenga que preni los mots [creacion paraulas e musica de David Grosclaude deus Larvath] Collegians, Romain Baudoin, Joan Francés Tisnèr Sonaus de Joan Francés Tisnèr Winter Surge inedit
Hadiu 
You must be logged in to post a comment.