Category: Ràdio podcast de resisténcia en occitan

En Ondas, Jòclong, E n’èm d’avís, capsas musicaus

En Ondas setm. 07 Saladas sauvatjas dab Magali Mariaud

èrbas de Provença,Corren,Domenja Lekuona,En Ondas,erbolària,erborista,Joan Pèire Cavaille,Joan Pèire Cavalièr,Josiana Ubaud,Lengas e poders,Magali Mariaud,occitan-provençau,Provença,Ràdio podcast de resisténcia en occitan,Ràdio podcast en occitan,salada

L’èrba-serena qu’amuisha lo camin.

https://www.mixcloud.com/HadiuPodcastsDomenjaLekuona/en-ondas-setm-22-saladas-sauvatjas/

En difusion navèra l’emission de la setmana 22 de 2017.

  • Lo somari de Patrimòni numèro 68 de mai-junh de 2017
  • Lengas e Poders 2016-2017- sesilha 5, Joan Pèire Cavaille : Daniel Fabre, patrimòni etnologic e patrimòni lingüistic.
  • Magali Mariaud qu’ei la nosta guida erborista. Que plegam l’esquina cap a la tèrra de Provença de cotria dab Magalia Mariaud e Léon lo son òmi. Qu’ei question de i cercar e trobar èrbas e saladas un hèish. Que mercegi au Leon e ben segur màgerment a Magalí qui’m deishè fotografiar la soa garba e qui nse’n regalè : un delici, a Jean Marotta lo noste sesame e a Joan Francés Tisnèr – viengut per tot auta causa – per l’enregistrament.
  • Complement sus las saladas sauvatjas dab lo site preciós de l’etnobotanista e linguista Josiana Ubaud http://josiane-ubaud.com/articles-web.htm
    e     com ac ditz tant plan lo tèxte Chachèc de Didièr Tousis pp. 101-103 de Letras au Nin Editions du Bois.

Las musicas d’En ondas :
• Erik Truffaz/Face-à-Face Quartet [Disc 2] The Walk Of The Giant Turtle (Intro) (Live 2006)
• Erik Truffaz/Face-à-Face Quartet [Disc 2] Flamingos (live 2006)
• Rosalina Cortial/Aital Va La Vida Troces d’un Erbièr
• Patti Smith Trampin’ Mother Rose
• Feiz Noz Moc’h/Feiz Noz Moc’h Colorina D’Arròsa (Branlo)
 Sonaus de Joan Francés Tisnèr Crane airways deu disc Transpòrts Tisnèr S.A. e lo remix de Francés Dumeaux tà sortir de l’emission

En Ondas setm. 06 Patric La Vau tà Andrèu Faugère deu Roglan

Domenja Lekuona,En Ondas,Oc Tele,Patric La Vau,Ràdio podcast de resisténcia en occitan,Ràdio podcast en occitan,Vent Terral

https://www.mixcloud.com/HadiuPodcastsDomenjaLekuona/en-ondas-setm-02-p-la-vau-lo-filme-sus-andrèu-faugère-de-roglan/

En navèra difusion, ua edicion d’En Ondas en occitan tà l’occitan :

* Los somaris de Reclams n° 844 e de Oc n° 123.
* Lo Miralhet deu net : quan vei BaRuLa que m’avisi lo monde que ns’ei obèrt e que’m platz.
* Vent Terral l’editor albigés per las soas parucions recentas : un obratge collectiu sus Loisa Paulin e un Jules Ronjat, entre linguistique et félibrige per Joan Thomas.
* Patric La Vau peu son filme Escotar los ausèths arribar dab André Faugère, meitadèr tota la soa vita http://www.octele.com/video/films/escotar_1.html.
Per contactar l’autor tà trobar la video o organizar ua sedença de cinèma mailto:lavaudpatrick@gmail.com

Ua hèra bona escota.

Las musicas d’En ondas :
• Arnau Obiols Pirène La Dama d’Aragó
• Yannick Jaulin Mick de Chaï Benaese 19/01/2018 au Mont dab Alain Larribet
• La Cleda La Cleda dab Aronde Aronde dus disques en çò de Pagans : Sautières e N’an ben tant dançat
• Elektric consòrt Addagio de los angeles
 Sonaus de Denis Fournier e Percussions Profile Le Mystère de la Pyramide

En Ondas setm. 05 Joan-Jacme Casteret

Caroline Dufau,Castèth de Pau,En Ondas,Florence Getreau,Goffredo Degli Esposti,Jaqueish Roth,Joan Baudoin,Joan Francés Tisnèr,Joan-Jacme Casteret,Jordan Tisnèr,Jordi Ballester Gibert,Lucie Longué,Marcel Gastellu,Mixel Etxekopar,Pierre-Henri Fontespis-Lhoste,Ràdio podcast de resisténcia en occitan,Sanz Grosclaude,Serge Cladères,Tamborin 432,Tamborin de còrdas,Trencadit

Lo seminari d’etnomusicologia suu tamborin de còrda qui avó lòc au Castèth de Pau en noveme de 2002, que’s tiengó dens l’idea de tanben visibilizar la musica d’ací. 

Escotar l’emission dab Joan-Jacme Casteret

https://www.mixcloud.com/HadiuPodcastsDomenjaLekuona/en-ondas-setm-05-joan-jacme-casteret/

Dauna de Brassempoi
Dauna deu capulet
221123 Sala deus Cent cobèrts Castèth de Pau Seminari e concèrt

Joan Jacme Casteret, director generau adjunt deu Cirdòc – Institut occitan de cultura, delegat a l’etnopòle de La Ciutat a Pau, qu’a l’aimablèr, dens aquesta edicion d’En Ondas, de respóner a quauques unas de las nostas questions.

La manifestacion qu’estó ua mena d’estats generaus deu Tamborin de còrdas, en guardar a l’esperit que la celebritat dens lo coble Ton-ton | Flabuta, que seré meilèu deu costat de la flabuta de tres horats…
https://oc-cultura.eu/off/evenements/seminaire-annuel-en-ethnomusicologie-de-la-france-des-etats-du-couple-flute-a-trois-trous-tambourin-a-cordes/ & https://www.unidivers.fr/event/chateau-de-pau-seminaire-dethnomusicologie/

Explorar :
Goffredo degli Esposti https://www.facebook.com/goffredo.degliesposti/
Florence Getreau https://www.radiofrance.fr/francemusique/podcasts/sous-la-couverture/florence-getreau-voir-la-musique-comment-les-artistes-ont-ils-represente-la-musique-editions-citadelles-et-mazenod-8416660
Jordi Ballester Gibert https://portalrecerca.uab.cat/en/persons/jordi-ballester-gibert-8

D’autas emissions d’En Ondas dab Joan-Jacme Casteret

Las musicas d’En Ondas (que los artistas e nse perdonen de non pas difusar qu’extrèits 😉
Trencadit Trencadit Charmantina
Arnaga – Rougier – Etxekopar Lau Sasuak Les 4 saisons Uda L’estate n° 2
Cocanha I ès ? Colorina de Ròsa e Sus la punta de l’espada
Joan Francés Tisnèr Sorrom Borrom Aiga 1e Camelicà Garbura
Kat Ça-i Folk Off Punka
 Sonaus de Joan Francés Tisnèr Winter Surge inedit

En Ondas setm. 04 Hubert Dutech

En Ondas,Joan-Pau Latruvèrsa,La Civada,lenga,lengatge,Occitan-gascon,paraula-lenga,Ràdio podcast de resisténcia en occitan,ubèrt dutech

Que recebem a Ubèrt Dutech, aventurèr de l’escritura, prodigue d’un detzenat d’obratges sovent d’endom peu miei deus quaus e s’interèssa a l’istòria, la canta e la lenga.
Lo Dictionnaire des tournures et formules gasconnes, qu’ei lavetz un obratge mei que pareish a compte d’autor https://hubert-dutech-auteur.fr/

https://www.mixcloud.com/HadiuPodcastsDomenjaLekuona/en-ondas-setm-04-hubert-dutech/

Dictionnaire des tournures et formules gasconnes, locutions, expressions, proverbes, citations 411p., cobèrta color, ill. negre e blanc, bibliogr., 29 euros + pòrt, presentat per ordi alfabetic d’expressions en francés. 
 hubert.dutech@orange.fr

Emissions autas dens En Ondas dab Ubèrt Dutech

Las musicas d’En Ondas quate sons de copadura : Dupain, Muga e autes
e los  Sonaus de Joan Francés Tisnèr Winter Surge inedit

En Ondas setm. 03 Sèrgi Javaloyès

Argeria,Bernat Manciet,En Ondas,Eric Gonzales,http://www.reclams.org,Joan Loís Lavit,Joan-Ives Casanòva,Les éditions In8,Literatura occitana,Max Rouquette,Oran,poesia occitana,Ràdio podcast de resisténcia en occitan,Reclams edicions,roman,Sèrgi Javaloyès

L’entervista a la quau e’vs convidi qu’ei cuelhuda a l’estiu de 2022. Qu’evocam solide la soa actualitat País d’exilis en çò de las edicions Reclams. Despuish, qu’a publicat L’homme est un ours qui a mal tourné, roman-bilanç en francés en çò de las edicions In8 pareishut a l’abòr de 2022. En la presenta entervista que parlam sustot inspiracion e escritura pertocant l’òbra soa. Solide que profieitam l’encontre tà parlar deus autes libes pareishuts o per paréisher que sian en francés o en occitan.

Que devisa Sèrgi Javaloyès de William Faulkner, Marguerite Yourcenar o Patrick Modiano e Eric Gonzalès, Max Rouquette, Itxaro Borda, Bernat Manciet e Joan-Ives Casanòva tà çò de l’escritura e de la critica literària. Tanben de subjèctes aus quaus e s’atèla com Bernadette Soubirous en poesia o un doble murtre a Pau suu cantèr de la sideracion deu monde.

Tà escotar d’autas emissions d’En Ondas, de Jòclong dab Sèrgi Javaloyès, seguir : https://hadiu.eu/?s=Javaloyès

Las musicas d’En Ondas
Denis Fournier, les fils du Vent deu disc le Mystère de la Pyramide
 Sonaus de Joan Francés Tisnèr Winter Surge inedit

En Ondas setm. 02 Teresa Pambrun

Aquò d'Aquí,Òmis petits,En Ondas,Enfants-mainats-kids,Inu,Josephine Bacon,Letras d'òc,Lo gai saber,Mainatges,Marceline Ikar,Marie-Pierre Genest,Minairons,Nancy R. Lange,Nans,Oc revista,Patrimòni,Ràdio podcast de resisténcia en occitan

Teresa Pambrun (https://www.letrasdoc.org/oc/les_auteurs/therese-pambrun/ la soa pagina d’autora en çò de l’editor Letras d’Òc), qu’ei l’autora de Sho! (Pagès editors), de Memòria de pèira o de la seria entà la mainadèra deus Òmis petits e la Quista deus òmis petits (Letras d’Òc, albums-cd), poèta e grafista, especialista de viralenga, de lenga occitana e mairina 2022 de La Passem, que visita los poètas quebequés a Laval en especiau los de la revista Paroles de femme, en seteme de 2022. Que demoram la soa produccion !

© DL D’autas emissions d’En Ondas dab T. Pambrun en seguir https://hadiu.eu/?s=Pambrun. Bona escota !
La Quista deus òmis petits Teresa Pambrun

Las musicas d’En Ondas
• Pescalua Vent castanhèr Triste ei lo cèu e Demorança
Sonaus : Ausèths Soeix, Pas dens l’aiga JFTisnèr, Zicutan El Indiano O Mosico
 Sonaus de Joan Francés Tisnèr Winter Surge inedit

En Ondas setm. 52 Edith Moutengou

Aquitaine active,Bedós,bicicleta,Canfranc,CFPOC Novèla Aquitània,Creloc,Edith Moutengou,En Ondas,Ensenhament occitan,Hervé Le Tellier,Joan Loís Lavit,Las Moscas,Letras d'òc,Ràdio podcast de resisténcia en occitan,Saragossa,Transhumance & Cie,Trin TER,Vath d'Aspa

De mòde de poder programar ua escapada en Vath d’Aspa (presentament que son barrats). Que s’ac vau ! En navèra difusion.

Uei qu’encontram a Edith Moutengou qui gereish Transhumance e Cie, ostalaria e restaurant, dont l’òmi Fabrice e s’encuenta de la taula.
Que’vs convidam a un devís de vita en loquau la Vath d’Aspa e tien ua pro bona plaça.
Qu’èm a escotar la beròja lenga aspesa d’Edith. L’estacament, l’enrasigament, la hami de realizar e de’s realizar. A lor, las crampas com lo minjar que’s disen en occitan !
Que’s tien Edith a çò que’s prometó – a contra briu deus de la soa generacion, de las qui davantejèn e de las qui an seguit tanben : «Jo que tribalharèi ací ! ».

Edith Moutengou Transhumance & Cie 8 av. Robert Balanguer Gara 64490 BEDÓS BEDOUS

D’espiar en escotar lo programa !

Las musicas d’En Ondas
• Marcel Amont canta los poètas gascons Adiu Plana de Bedós (tèxte de Xavier Navarròt)
• Joan Francés Tisnèr Transpòrts Tisnèr SA En trin que’s pòt
• Biella nuei e amics occitans O Canfranero au vriulon Crestian Lanau
 Sonaus de Denis Fournier e Percussions Profile Le Mystère de la Pyramide

En Ondas setm. 50 Adeline Yzac

Adeline Yzac,Clitorís,Clitoridectomia,Dominique Kalifa,En Ondas,Excision,ginecologia,La manufacture de livres,Lo Clapàs,Medecina,Montpelhièr,Mutilacion,Onanisme,Quincalha,Ràdio podcast de resisténcia en occitan

De longa las causidas de destinadas que las hèn trantalhar a las gojatetas (e tot autanplan aus gojatets) enter rapòrts de sosmission-dominacion en lo maridatge o la prostitucion, libertat carament ganhada o embarrament e a bèths còps empresoament. Causir lo son camp dens un aviéner qu’arrés non mestrejan pas… e sortir de l’inocéncia.
Adeline Yzac que situa lo roman Fille perdue au temps de la tresau republica. Un poder qui reprimeish libertat, desers o la simpla exploracion, la curiositat, la hami e l’aujor d’apréner. Tota causa qui parièr dens lo devís public e se’n reclama lo poder e los qui saben… Paradòxe absurd ce relhèva Adeline.
Anicette qu’espravarà en plen aquesta repression familiau e institucionau de l’inconvenéncia qui l’an gahada a incarnar. La reputacion esglaishant e ac permetent tot.

A Arudi, Adeline Yzac a La Curieuse ! fòto DL estiu de 2022

Fille perdue d’Adeline Yzac ; cobèrta NB Fòto Arcangel e maqueta Rémy Tricot, ua fòto de l’autora, La manufacture de livres, 2021, 219 pp. 16,90 euros.

Las musicas d’En Ondas
• Ua, miduna, mitrèna 3 Conte, conte e que Hiquèri
• La bèla naissença Valhant Franzin Anem vèire l’enfanton
• Jan Mari Carlòtti Enfantolin
• Eras Airetèras La maridam lonlèra
 Sonaus de Joan Francés Tisnèr Winter Surge inedit