En Ondas colleccion 22-23
Category: En Ondas
En Ondas setm. 26 Florian Vernet 2/2
Devisada en companhia de Florian Vernet, dusau part.
La question de l’occitan estandard, comun…
« Nos consideram com una colleccion de lengas » ce nse ditz Florian Vernet e aquò non lo va pas.
Ua situacion pr’amor non decidim pas collectivament de tirar las conclusions de l’estat de la lenga.
« Lo francés es en trin de devenir la lenga comuna de l’occitan per refús d’aver un occitan comun » ce nse previen Florian Vernet.
» Escrivèvi pas, legissiái com un fòl ”.
S’ei ratrapat despuish, pageratz l’òbra : https://www.idref.fr/027181790 [e tot ne i ei pas…]
Un collòqui Florian Vernet en prevision : escrivan, lingüista, pedagògue, lo 20 d’octobre de 2023 a Montpelhièr Universitat Pau Valery.
Los libes de Florian Vernet, com d’autes que’s tròban
Espaci occitan deis Aups https://www.espaci-occitan.com/botiga/oc/
Librariá occitana de Lemòtges https://www.libraria-occitana.org/
Aqueras montanhas a La Ciutat Pau (en cors d’estructuracion, repren lo hons Marrimpouey) https://aquerasmontanhas.org/pau-1.html
- Contretemps GERARD TAUTIL mai de 2023 premsas federalistas Lettres sur l’Occitanie et l’occitanisme, version francesa de l’originau occitan pareishut au Cebier 300 chemin du Plan de Chibron 83870 Signes 16 + 5 € per l’exemplar en occitan (occitan + francés 38 € pòrt comprés.
- Lo Marius, libe de Dominique Commet 12 cronicas bilinguas e en version audio tà Radio Cap a Cap, ill. Phil Castaza, ençò de Plume libre www.lacieckc.fr
- La preciosa letra d’info Creo-Felco : http://www.felco-creo.org/abonnement/ : http://www.felco-creo.org/20-06-23-louvrage-philippe-gardy-lo-poeta-escondut-le-poete-cache-disponible-en-open-edition/
- En çò de Jorn http://editions-jorn.com/ on hestejan l»an deu centenari : Lafont, Manciet, Espieux dus recuelhs de poèmas de Cecila Chapduelh Mina de plomb, mina de ren http://www.felco-creo.org/wp-content/uploads/2023/06/Chapduelh.Comanda.pdf e l’edicion tornar deus Sonets de Bernat Manciet http://www.felco-creo.org/wp-content/uploads/2023/06/Manciet.Comanda.pdf
- Letras d’Oc http://www.letrasdoc.org/oc/ la profession d’editor a l’aunor : publicar e fabricar al país. Istòria d’un sauvatjòt de Sèrgi Carles, Passejadas toponimicas de Pau Fabre, Contes del mèrle devinhaire de Maria-Odila Dumeaux, Seme de hemna de l’aranesa Tòni Escala, Tu de J.-L. Viguier (traduccion francesa d’Eric Fraj), anonciats Sinèra d’Andrieu Lagarda e Mudadas de Joan-Pèire Lacomba.
Las musicas d’En Ondas
• Crestian Vieussens Esquiç 5
• Deodat de Severac
• Velvet underground I cant’it stand it
• Kronos quartet A thousand thoughts Tusen Tankar + Dark was the night Cold was the ground + La Sidounak Sayyada
• Joni Mitchell The beginning of survival The Beat Of Black Wings
Sonaus de Joan Francés Tisnèr Winter Surge inedit
En Ondas setm. 25 Florian Vernet
Florian Vernet e Eric Gonzalès que son dus qui òbran – e de quau faiçon de tria – tà l’occitan. Lo pont enter Gasconha e Provença o lo País niçard e enlà : Aran, Monèga, vaths deu pèmont e la Gardia piemontese italianas compresas, qu’ei la lenga d’abòrd. Quiò com de costuma l’ambicion d’En Ondas qu’ei la d’ua becuda. Tròp grana gana tau temps impartit. Ua prumèra bocada dab l’entervista de Florian Vernet.
En mei quate anóncias d’actualitat on parlam sustot d’Eric Gonzalès qui nse deishè aus 59 en mai de 2023. Que ns’ac permet ua video tota fresca pareishuda, imatges excepcionaus produsits per Riccart Le Coz introdusits per l’aumenatge deu son amic Sèrgi Javaloyès : https://youtu.be/40Zh-oKA-E0. Se vs’interèssa d’escotar a l’Eric Gonzalès que hasoi uas emissions radiofonicas d’En Ondas. En lançar aqueth recèrc que n’averatz la tièra [que son emissions en navèra difusion de 2018] : https://hadiu.eu/?s=eric+gonzales.
Florian Vernet, vadut en 1941 a Besièrs, especialista de literatura : dogan e professor emerit de la fac de Montpelhièr Pau Valèry, doctor de la lenga, gramatician (disen lingüiste uei-le-dia) e escrivan. Dens la literatura qu’ei amator de sciéncia ficcion, d’anticipacion e de roman policièr e qu’a produsit entau Gai saber n° 566 un estudi suu polar en occitan. Duas emissions en la soa companhia a l’entorn de l’escritura e tanben deu tèma tibador de la lenga estandard [ausbau lenga per elaboracion]. Tà escotar au Florian Vernet dens d’autes programas d’En Ondas, seguitz https://hadiu.eu/?s=Florian+Vernet
En Ondas setm. 24 Konrad Harrer
Konrad Harrer que l’encontram entà las Tres enquèstas de Sherlock Holmes [2022, 89pp. 6,50 euros], que’s tròba e que’s crompa ençò de l’editor Per Noste https://pernoste.com. Proposicion d’encontrar a un actiu « Turbò pròf », uei retirat, hens lo parçan de Dacs. Be saberatz per quau coda de padèra en escotar l’emission.
Konrad qu’a tanben assegurat en 2014, l’edicion tornar (l’originau que datava de 1862) deus Arreproèrs bearnés de Hatoulet e Picot, tostemps ençò deu quite editor.
Las musicas d’En Ondas
• Manufacture verbale Le voyage Mecnès Lanas
• Deishovida Fast folk Roma 1567
• May Monday May midnight Timo’s jig
• Mouth music I Bhi A Da
• Altan Blackwater ‹ Stór, A Stór, A Ghrá
Sonaus de Joan Francés Tisnèr Winter Surge inedit + un trocicon d’Amontanhada 2 de JF Tisnèr, Siular de David Diaz
En Ondas setm. 23 Elisa Harrer
Lo rei Dagobèrt e autes racontes, Elisa Harrer (Lena dens lo libe), 176 pp. 11 euros (març de 2023). 11 novèlas-racontes, e un tot. Version bilingua en çò de Per Noste.
« L’escritura – ce nse ditz Elisa Harrer – qu’ei un long monològue qui vòu vàder un dialògue” : dialoguem lavetz en la soa companhia.
Polifonia de la narratora a 5, 7-8, 15, 17 ans e adulta. Ua polifonia d’escritura tota personau, enlusernanta de seguir pr’amor deu suspens, deus escapatòris a l’escòla, deu dedale familiau, de la construccion de l’identitat hens ua societat dada, suportada o insuportabla.
La magdalena d’Elisa qu’ei ua boeita de pruas d’Agenh.
« Escríver qu’ei descobrir çò d’important tà si-medish dens un procediment de memòria” Elisa Harrer.
Las musicas d’En Ondas
• Patric Valhant – Ricardo Tesi – Giancarlo Trovesi. Colline. Promenade, Maienca Dança, Il funambulo, Mazurazione.
Sonaus de Joan Francés Tisnèr Winter Surge inedit
En Ondas setm. 22 Joan-Loís Lavit en navèra escota
Arribada qu’ei, la tresau hèita de Riton Magret (lo comissari) titolada sabrosament Bèth Peu de Sau e qui com de juste e’s debana per part a Pau. Bèth Peu de Sau, ua hèita deu Comissari Magret, de Joan Loís Lavit qu’ei lo libe de las interrogacions com de la maturitat, de la mestresa de la lenga possada au mei, pr’amor aquesta que l’avèva jà a man Joan Loís Lavit. Arron en 2017 – Escura, la nueit – edicions Letras d’òc un roman dret arribat deus limbes de l’istòria nosta, Lavit que torna trobar las soas amors : lo policièr… dont l’istòria la grana o la fantasmada entermescladas non son pas jamei luenh. 156pp., lexic, 16 euros. Emission de 2018 en navèra escota.
Dens lo blòc, 27 prumèrs postats (https://comissarimagret.wixsite.com/comissarimagret)
En prima un diaporama : a basa de quauques uns deus dessenhs (© Pètro) dens lo blòc https://comissarimagret.wixsite.com/c….
En escota a la demanda https://hadiu.eu e tanben sus Pirenèus Radio, Radio Temps, Radio Verdon, Radio Saint-Affrique, Ràdio Occitania, Radio Hapchot, Ràdio Cap a Cap… mercés a d’aquestas ràdios !
Las musicas d’En ondas :
• Daunas de còr Airetèras La Ploma de Perdiu
• Aqueles Punk’s not born Dobai
• Raoul Petite Têt de Krân Früstuck intermezzo + Moi les avanlanches
• Corau d’Arielès Truèla (cançon deus maçons, deus gacha empèga en miralh au folclòre d’aqueths marsilhés !) e Pastors suspècts. Paraulas JL. Lavit.
• Eths Micalets Aiganèu Bergèrs de Gasòst
• Pescalua Vent castanhèr Rota (JL. Lavit e N. Carita)
Sonaus de Denis Fournier e Percussions Profile Le Mystère de la Pyramide
En Ondas setm. 21 Martin Lassouque Contras
Unic envitat d’En Ondas lo bohaire e multi instrumentista Martin Lassouque.
La boha atormerada e aimada per musicians e factors d’instruments taus com Alan Cadelhan, musician e renovator de legenda, Robèrt Matta (triple CD boha e totas las cornamusas e autas cabretas), Jean-Pascal Leriche o Yan Cozian, notaument factor de la boha zèbre que tòca Martin Lassouque qu’atira musicians naus.
Contras de Martin Lassouque : bohas.
dab:
Benjamin Bouyssou : bohassa (5)
Yan Cozian : boha (7)
Jordan Tisnèr : flabuta e tamborin de còrdas (9)
Benjamin Rouyer : presa de son
Valentin Laborde : visuau e maqueta
CD Digifile 2 volants, liberet 16 pp.
Indicacions de las honts.
Tradicionau : Gasconha (23 títols / 11 platjas). 15 €
mailto:lassouque.m@hotmail.fr
D’arribar pro lèu : Monde de Bohas, filmat lo 12 de julh de 2018 au château d’Ars a Lourouer-Saint-Laurent de’vs procurar au prètz de 12 euros : https://pagans.bandcamp.com/merch/monde-de-bohas-dvd
Las musicas d’En Ondas
• Martin Lassouque Contras Cornemuse landaise Lo pair de la nòvia / adishatz mèste de maison / pòrti mo marit a vénder + Nau Palometas e Las hilhòtas be’n son polidas / Fotetz-me lo camp canalhas.
• Trencadit Charmantina
Sonaus de Joan Francés Tisnèr Winter Surge inedit
En Ondas setm. 20 Anna-Pèire Darrées ABC del Saber : Guèrra
Tresau temps dab Anna-Pèire Darrées entà parlar deu libe-revista L’ABC del saber : Guèrra
De’vs procurar per exemple a Espaci Occitan deus Aups o libreria Aqueras montanhas a la ciutat a Pau e d’autas com la Librària occitana a Lemòtges], tanben suus sites https://reclams.org e https://abcdelsaber.fr (site màgerment entertienut e illustrat per Jean-Claude Clermont).
Anna-Pèire que ns’a interessat de l’entervistar tà crotzar las paraulas e las musicas interioras sus la guèrra dens la revista pareishuda en çò de las edicions Reclams au començar de l’an de 2023.
En un temps quan avem lo sentiment (lhèu tot subjectiu d’alhors) que la generacion occitanò parlanta, occitanò productiva deus 60-80 ans ei a desaparéisher shens aver vertadèrament format los quadres d’ua pensada occitana originau, los promotors d’aquera demarcha qu’an probable vist l’urgéncia de pensar ua tau produccion.
—– L’ABC del saber Ni rire, ni plorar, comprendre : Guèrra, heurèr de 2023. Cap-redactor Eric Fraj. Maqueta e compaginacion Gilles Conte. Cob. e ill. colors, ill NB, 109p. Format magazine. Reclams. 19 euros.
Las musicas d’En Ondas :
• Sonaus divèrs e sustot d’Artús, Vieussens, Manufacture verbale 1èra faiçon.
• Camelicà de Joan Francés Tisnèr Las Guèrras son cridadas dab las flabutas guerrièras e enrabiadas de Crestian Vieussens, tanben l’airejanta de Mixel Etxekopar.
Sonaus de Joan Francés Tisnèr Winter Surge inedit
Hadiu 
You must be logged in to post a comment.