Category: En Ondas

En Ondas setm. 08 Celina e Danèu de La Talvera

Celina Ricard,CORDAE-La Talvera,Danèu Loddo,En Ondas,Ràdio podcast de resisténcia en occitan,Ràdio podcast en occitan

en difusion tornar part 2
(e dab lo fichèr son requist… : que mequejàvi complet en 2018… que i avèvi pausat la quita emission de la setmana d’abans. Aquiu la bona version ! E mila perdons !)

  • Que’vs perpausi de trobar tornar la vòsta amna de mainatge per entrar dens la maison d’un còrn de plaça de Còrdas en Tarn aus confronts d’Avairon e de Carcin. Ua maison tota obèrta e escultada peu son proprietari deu hons dinc au bèc dens un dedale de pèças propícias au repaus, au saunei, a la pensada.

  • Dehens que i encontrèm a Danèu Loddo e Celina Ricard deu CORDAE-La Talvera, associacion preciosa qui hesteja los 40 ans en 2019.

  • Las publicacions 2017-2018 Turlututú 2 (contien 2 disques, 112p., ill. Colline Trubert, dab las particions) e Contes pebrats e salats : contes licencieux d’Occitanie, per Danèu Loddo, cobèrta « Frissons rouges” d’Anne Nourian, 528p. n° 6 de l’antologia deu conte popular occitan qui van dab lo disc de La Talvera Cançons pebradas.

https://talvera.org

Las musicas d’En ondas :

• La Talvera Sopac e patac Tornam un còp de mai

• Verd e Blu Baladas e danças Balada_Lo 6 De genèr_La Craba

• La Talvera Sopac e patac Aboio Do Sertao (Aperet deu Sertao)

• Elena Ledda Amargura Carinnus

• Femmouzes T Quan vei los prats verdesir

• L’una garrèla Aelís Loddo vriolonaira e cantaira Je ne peux pas te promettre

• La Talvera Sopac e patac Se ieu vali pas gaire

Sonaus de Denis Fournier e Percussions Profile Le Mystère de la Pyramide

En Ondas setm. 07 Danèu e Celina de La Talvera

Celina Ricard,CORDAE-La Talvera,Danèu Loddo,Domenja Lekuona,En Ondas,La Talvèra,Musica occitana,Ràdio podcast en occitan

en difusion tornar part 1

Aquestas setmanas qu’ei temps de juntar a actors màgers de la nosta cultura aus confronts d’Avairon, de Tarn e de Carcin. Duas edicions d’En Ondas que’s consacraràn, shens poder està’n un miralh sufisent solide, au gran tribalh de CORDAE – La Talvera en companhia de Danèu Loddo e Celina Ricard. Impressionanta produccion de disques e libes, d’evenements de transmission, de lòcs de formacion, de lòc per banhà’s a la hont de la literatura e de la musica popularas, considerant l’importància deu folclòre (sciéncia deu pòble literaument) de noste com d’alhors. Que perseguiram l’auta setmana aqueste encontre passionant e agradiu deu mes d’aost de 2018.

La Talvera © Wikimedia commons

Las musicas d’En ondas :

La Talvera

• Bramadís I a un prat a dalhar (impertinéncia e consciéncia)

• Sopac e Patac Sardenha

Danèu Loddo e Claudi Sicre

• Batèstas e cantariás (1976) Lo Babau

• Efisio Melis dab Gavino de Lunas e Antonio Pisano Launeddas en Sardenha Mediana a Pipia

La Talvera

• Pòble mon pòble Occitan Berbèr

• Cançons pebradas Mon Berimbau (tirat deu disc de La Talvera, de senhalar lo libe de la collècta « Contes pebrats e salats” que sòrt de paréisher a CORDAE – La Talvera)

Sonaus de Denis Fournier e Percussions Profile Le Mystère de la Pyramide

En Ondas setm. 06 Joan-Miquèu Dordeins

Benoît Larradet,En Ondas,Joan Miquèu Dordeins,Literatura occitana,Mailís Dordeins,Miquèu Campgran,Musica occitana,Musicas occitanas,Novèlas,Per Noste,Ràdio podcast de resisténcia en occitan,Veronica Dordeins

La novèla de Joan-Miquèu Dus dias sonque que da lo nom au recuelh que pareish en çò de Per Noste en mai de 2021. Que i segueishen Lo detalh qui tua, La gamèla deu gat, La medalha, Batiadas a la bearnesa, La batalha deu Mont Guiscard e tres cantas : La canta d’Elvis, Lo dia gran e Adius qui figuran au CD Partatge de Simple Tres e drin dens la presenta edicion per fauta deu poder trobar en lo comèrci.

Suspens, umor, escritura ananta per quauquas novèlas plasentas de descobrir en çò de Joan-Miquèu Dordeins dab Dus dias sonque.
Duas dias sonque de Joan Miquèu Dordeins a Ortès en çò de Per Noste, en 2021. 163 pp., cob. color sheis novèlas e tres cantas en version bilingua. 

Las musicas d’En Ondas
• Simple tres Partatge
– Lo dia gran branlo
– Ziga-zaga
– Lo pas galant branlo
– Adius
– La canta d’Elvis
• Trencadit Trencadit Charmantina
• e Beck quauquas mesuras
 Sonaus de Joan Francés Tisnèr Winter Surge inedit

En Ondas setm. 05 Benoît Larradet

Argentina,Benoît Larradet,En Ondas,Felip Biu,Joan-Luc Landi,Maurici Romieu,Ràdio podcast de resisténcia en occitan,Reclams edicions,roman,Vath d'Aspa

Jamei aiga non cor capsús qu’ei un prumèr roman. Benoît Larradet qu’a causit naturaument e dab bonur de i ligar lo vielh continent au nau. Neurit qui ei per la vita de marchaire, de garrapetaire, l’autor, que passa l’aiga, que la segueish o que’s deisha rotlar per era. Qu’ei un roman bèth drin antropologic, Jamei aiga non cor capsús, en lo sens que nse hè capihonar en un «oèst luenhèc de capsús» en tot nse har seguir en tant qu’occitans pirenencs e gascons.

Benoît Larradet au Parc Beaumont de Pau © D. Lekuona

Jamei aiga non cor capsús de Benoît Larradet. Illustracion de cobèrta Emma Landi. Excellent prefaci Joan-Luc Landi. Un shishantenat de nòtas documentàrias o d’arreviradas preciosas : gran e bon tribalh que facilita la lectura. Reclams, 2021. 189 pp. Colleccion Terra incognita ; 10. 15 euros.

Las musicas d’En Ondas
• Gotan project Tango.3 La glòria
• Femmouzes T Tango
• Tango Lo Barrut 2016
 Sonaus de Joan Francés Tisnèr Winter Surge inedit

Bonus : se voletz escotar Lo gat que s’avèva minjat la lua, de J.-L. Baradat tribalhat e empontat per B. Larradet e calandrons paulins, dab la votz deu Joan-Luc Landi, clicatz suu ligam Ua, miduna, mitrèna 4.

En Ondas setm. 04 Sourdure

Ambert,Artús,Embèrt,En Ondas,Les poufs à Cordes,Musica occitana,musica occitana d'Auvernha,Musicas occitanas,Puei Domat,Ràdio podcast de resisténcia en occitan,Sourdure,Thiers,Tièrn

Ernèst Bergès dit Sourdure (que sorduri, que sorduras…. que sorduran) e la musica qui ei la soa. E gausèssi har comparèrs reductors ? Lo Tom Waits de noste. Labèl Pagans.
E cau morir tà vàder tornar ? Au moment com s’esvaneish Artús, monde de la pagèra e de l’invencion de Sourdure qu’estinglan. Que’vs perpausi de l’encontrar au destor de l’amassada generau de Hart Brut [productors d’Artús] a l’abòr de 2021 a Luc de Bearn.

© Sourdure Luc de Bearn D. Lekuona

complements : Dotâr – sistèma amplificator Bouyer [despuish 1933].

Las musicas d’En Ondas
• Sourdure La Virée Jésus s’habille en pauvre…
• Sourdure L’espròva L’escribòta
• Sourdure De mòrt viva Clavar cavar
• Sourdure De mòrt viva A tota pèrta
e
• Massilia Sound Sistem 3968CR13 Jovent 
• Les Poufs à cordes Clémence Cognet Borreia d’après Pierre Tourret _ La liquièra
 Sonaus de Joan Francés Tisnèr Winter Surge inedit

En Ondas setm. 03 Pierre-Yves Gourvil, lepidopterista

AAPPMA Gave d'Auloron,Dominique Marchais,En Ondas,Gave d'Auloron,Joan-Enric Fabra,Peurelh,Pierre-Yves Gourvil,Pirenèus ràdio (ex Val Pireneos),Ràdio podcast de resisténcia en occitan

Pierre-Yves Gourvil que l’encontrèi dab un punhat d’auta.es quauque part sus l’arribèra deu gave d’Auloron en julh de 2021.
Las soas publicacions : https://oreina.org/artemisiae/biblio/index.php?module=liste&action=liste&choix=aut&id=244
Dens aquesta emission qu’enteneratz tanben, a pescaires e monde deu public, a Camille Lotteau que tribalha dab Dominique Marchais lo realizator de documentaris de cinèma (longs formats) : 
La ligne de partage de eaux 
Nul Homme n’est une île, la cooperativa siciliana de las galinas de refòrma…  e de quauques autes despuish 2009. Un tribalh d’equipa e d’ua persona sensibla e excepcionau. Com tribalhan actuaument sus un filme suus Gaves, qu’ei evident que ns’encontrarem !
Lo guide que’vs voi har descobrir qu’ei especialista deus lepidoptèrs nueitius màgerment.

Sus l’arribèra deu Gave d’Auloron P.-Y. Gourvil a téner la tela gahadera de parpalhons © D. Lekuona

Au briu deu devís que s’i tròba un aumenatge au tribalh de tria de Joan-Enric Fabra, entomologista e escrivan, qui estimi e l’escritura e l’observacion precisa deus insèctes e de la tèrra. De l’harmàs adorat de l’escrivan Max Roqueta com de Joan-Enric Fabra. Fables et poésies | Faulas e poesias de J.-E. Fabra Tòme 1 & Tòme 2.

Las musicas d’En Ondas
• Parpalhon Jan-Mari Carlotti Viatge en lenga [escolans de Calandreta e d’Òc bi]
• Francis Lassus La vie, la vie, la vie [En Ondas dab Francis : ligam de seguir]
• ausèths en caujòla a Soeix captacion
• Meredith Monk Mercy Line 1 
 Sonaus de Joan Francés Tisnèr Winter Surge inedit

En Ondas setm. 02 Arrestats copats de l’autorizacion a la gravèra Daniel-DPL suu Gave d’Auloron

André Courrèges,APQV,Association foncière de remembrement,Carressa e Cassabè,Carresse-Cassaber,Daniel-Dpl,Défendons la plaine,Défense des milieux aquatiques,En Ondas,Gravèra,Jean-Paul Bravard,Michel Rodes,Philippe Garcia,Ràdio podcast de resisténcia en occitan,Ripisilva,Salmo Tierra-Salva Tierra,Sepanso

Edicion d’En Ondas dedicada a Jacques Ellul e Bernard Charbonneau [enterrat suu Gave d’Auloron a Sent Pèr de Lèren].
L’eveniment qui condiciona lo programa qu’ei la Conferéncia de Premsa per devant la prefectura deus Pirenèus-Atlantics, lo dijaus 6 de genèr, pertocant l’anullacion, lo 15 de deceme de 2021 deus atenuts retienguts en purmèra audiéncia deu Tribunau administratiu de Pau : los dus arrestats prefectoraus de junh de 2016 e genèr de 2021 autorizant la gravèra de Daniel-DPL a Carressa e Cassabè que son copats.
Qu’entenem a :
• Michel Rodes, secretari de la Sepanso 64 ;
• André Courrèges, president de l’Association foncière de remembrement ;
• Sylvain Chevalier, Association pour la préservation de la qualité de vie en Bearn deus Gaves ;
• Mèste François Rufié, avocat entaus recors depausats despuish 2016 contra la gravèra Daniel-DPL.
Sabé’n mei suu professor Jean-Paul Bravard : https://data.bnf.fr/15336409/jean-paul_bravard/ deu quau ei question au miei de l’emission, evocat per M. Rodes.

Las musicas d’En Ondas
• Esquiç Christian Vieussens
• Les Manufactures verbales Vase e Bulles in Voix du quotidien et de l’unique
• Graulhas de Sent Pèr en lo lor miei naturau captadas per la vòsta servitora.
 Sonaus de Joan Francés Tisnèr Winter Surge inedit

Vigicrue Escòs 4.73 m a 17:36h lo 10/01/2022, en comparèr a gaucha l'aigat suu Gave d'Auloron lo 10/12/2021. Urosament (per Castanheda e Escòs e los en seguir...) qu'ei arribat a 4.79 m a Escòs e qu'a devarat dens la nueit deu 10 tau 11.
Vigicrue Escòs 4.73 m a 17:36h lo 10/01/2022, en comparèr a gaucha l’aigat suu Gave d’Auloron lo 10/12/2021. Urosament (per Castanheda e Escòs e los en seguir…) qu’ei arribat a 4.79 m a Escòs e qu’a devarat dens la nueit deu 10 tau 11.

En Ondas ‘De tot un pauc’ Pèire Boissièra

Art'Òc,Domenja Lekuona,En Ondas,Francés Dumeaux,labèl pagans,Pèire Boissièra,Pèire Boissière,Reclams

Pèire Boissièra que sòrt de quitar aqueste monde aqueste començar de genèr de 2022.
Pensadas aus sons.

Francés Dumeaux que nse’n disèva mei en junh de 2019 suu libe-disc de Pèire Boissièra De tot un pauc en çò deu labèl Pagans.
Parièr dens l’emission lo somari deus Reclams 850 e lo menú deu dia de cultura occitana organizat per Art’Òc a Croselhas fin de junh.
En illustracion cap de capitèth escultat, situit en Auvèrnha e fotografiat per Pèire Boissièra.

Francés Dumeaux per De tot un pauc de Pèire Boissièra au labèl Pagans

Las musicas d’En Ondas

  • Idil·li contrapassat (agost 2015 De Calaix i Carles Mas)
  • Pèire Boissièra De tot un pauc
    • Flor d’estiu
    • Alegria
    • La pastora lirís
    peu miei deus qui atormeran a Pèire Boissière solide que i ei François Dumeaux, Maria Boissièra e Jérôme Noirez
    • Quauques cants de la nòça gascona Featuring Maria Boissièra tanben que difusím
    • Per camin de Perpinha Featuring Jérôme Noirez

 Sonaus de Denis Fournier e Percussions Profile Le Mystère de la Pyramide