I am an occitan radio producer in occitan language | Que soi ua productora-ràdio de programas en occitan | Je suis une productrice de programmes radio en occitan
Ernèst Bergès dit Sourdure (que sorduri, que sorduras…. que sorduran) e la musica qui ei la soa. E gausèssi har comparèrs reductors ? Lo Tom Waits de noste. Labèl Pagans. E cau morir tà vàder tornar ? Au moment com s’esvaneishArtús, monde de la pagèra e de l’invencion de Sourdure qu’estinglan. Que’vs perpausi de l’encontrar au destor de l’amassada generau de Hart Brut [productors d’Artús] a l’abòr de 2021 a Luc de Bearn.
complements : Dotâr – sistèma amplificator Bouyer [despuish 1933].
Las musicas d’En Ondas • Sourdure La Virée Jésus s’habille en pauvre… • Sourdure L’espròva L’escribòta • Sourdure De mòrt viva Clavar cavar • Sourdure De mòrt viva A tota pèrta e • Massilia Sound Sistem 3968CR13 Jovent • Les Poufs à cordes Clémence Cognet Borreia d’après Pierre Tourret _ La liquièra Sonaus de Joan Francés Tisnèr Winter Surge inedit
Pierre-Yves Gourvil que l’encontrèi dab un punhat d’auta.es quauque part sus l’arribèra deu gave d’Auloron en julh de 2021. Las soas publicacions : https://oreina.org/artemisiae/biblio/index.php?module=liste&action=liste&choix=aut&id=244 Dens aquesta emission qu’enteneratz tanben, a pescaires e monde deu public, a Camille Lotteau que tribalha dab Dominique Marchais lo realizator de documentaris de cinèma (longs formats) : La ligne de partage de eaux Nul Homme n’est une île, la cooperativa siciliana de las galinas de refòrma… e de quauques autes despuish 2009. Un tribalh d’equipa e d’ua persona sensibla e excepcionau. Com tribalhan actuaument sus un filme suus Gaves, qu’ei evident que ns’encontrarem ! Lo guide que’vs voi har descobrir qu’ei especialista deus lepidoptèrs nueitius màgerment.
Au briu deu devís que s’i tròba un aumenatge au tribalh de tria de Joan-Enric Fabra, entomologista e escrivan, qui estimi e l’escritura e l’observacion precisa deus insèctes e de la tèrra. De l’harmàs adorat de l’escrivan Max Roqueta com de Joan-Enric Fabra. Fables et poésies | Faulas e poesias de J.-E. Fabra Tòme 1 & Tòme 2.
Las musicas d’En Ondas • Parpalhon Jan-Mari Carlotti Viatge en lenga [escolans de Calandreta e d’Òc bi] • Francis Lassus La vie, la vie, la vie [En Ondas dab Francis : ligam de seguir] • ausèths en caujòla a Soeix captacion • Meredith Monk Mercy Line 1 Sonaus de Joan Francés Tisnèr Winter Surge inedit
Edicion d’En Ondas dedicada a Jacques Ellul e Bernard Charbonneau [enterrat suu Gave d’Auloron a Sent Pèr de Lèren]. L’eveniment qui condiciona lo programa qu’ei la Conferéncia de Premsa per devant la prefectura deus Pirenèus-Atlantics, lo dijaus 6 de genèr, pertocant l’anullacion, lo 15 de deceme de 2021 deus atenuts retienguts en purmèra audiéncia deu Tribunau administratiu de Pau : los dus arrestats prefectoraus de junh de 2016 e genèr de 2021 autorizant la gravèra de Daniel-DPL a Carressa e Cassabè que son copats. Qu’entenem a : • Michel Rodes, secretari de la Sepanso 64 ; • André Courrèges, president de l’Association foncière de remembrement ; • Sylvain Chevalier, Association pour la préservation de la qualité de vie en Bearn deus Gaves ; • Mèste François Rufié, avocat entaus recors depausats despuish 2016 contra la gravèra Daniel-DPL. Sabé’n mei suu professor Jean-Paul Bravard : https://data.bnf.fr/15336409/jean-paul_bravard/ deu quau ei question au miei de l’emission, evocat per M. Rodes.
Las musicas d’En Ondas • Esquiç Christian Vieussens • Les Manufactures verbalesVase e Bulles in Voix du quotidien et de l’unique • Graulhas de Sent Pèr en lo lor miei naturau captadas per la vòsta servitora. Sonaus de Joan Francés Tisnèr Winter Surge inedit
Vigicrue Escòs 4.73 m a 17:36h lo 10/01/2022, en comparèr a gaucha l’aigat suu Gave d’Auloron lo 10/12/2021. Urosament (per Castanheda e Escòs e los en seguir…) qu’ei arribat a 4.79 m a Escòs e qu’a devarat dens la nueit deu 10 tau 11.
Pèire Boissièra que sòrt de quitar aqueste monde aqueste començar de genèr de 2022. Pensadas aus sons.
Francés Dumeaux que nse’n disèva mei en junh de 2019 suu libe-disc de Pèire BoissièraDe tot un pauc en çò deu labèl Pagans. Parièr dens l’emission lo somari deus Reclams 850 e lo menú deu dia de cultura occitana organizat per Art’Òc a Croselhas fin de junh. En illustracion cap de capitèth escultat, situit en Auvèrnha e fotografiat per Pèire Boissièra.
Francés Dumeaux per De tot un pauc de Pèire Boissièra au labèl Pagans
Las
musicas d’En Ondas
Idil·li contrapassat (agost 2015 De Calaix i Carles Mas)
Pèire Boissièra De tot un pauc • Flor d’estiu • Alegria • La pastora lirís peu miei deus qui atormeran a Pèire Boissière solide que i ei François Dumeaux, Maria Boissièra e Jérôme Noirez • Quauques cants de la nòça gascona Featuring Maria Boissièra tanben que difusím • Per camin de Perpinha Featuring Jérôme Noirez
Que recebem a Danís Chapduelh. Que’vs perpausam de’u conéisher drin mei abans susquetot en tant que cap-redactor deu jornau magazine Lo Diari. De s’i abonar, en desmaterializat sus internet o en version papèr ! Tà d’aquò har qu’ei per aquiu : https://lodiari.com/botiga/lo-diari/abonament-diari/
Las musicas d’En Ondas • Yann van der Cruyssen – Intro musica per videojòc • Frank Lutton Joan Pau Verdier de Marcèla Delpastre L’amor • Brian Eno Marseilles • Arnau Obiols Libèrrim Interludi • Brian Eno Dark waters • Mirrored Prismism • Brian Eno The secret • Saplings Kena Bridge of Spirits – Metal Version musica per lo videojòc Kena Sonaus cantat e instrumentau de Joan Francés Tisnèr Winter Surge [inedit]
En difusion tornar l’emission dab Marie Baudoin qu’ei ortalèra, estudianta en antropologia etnobotanica e especialista d’erboristeria. Qu’a aviat un site internet qui a batiat l’Herbularius. Ua idea de sortida indispensabla : http://herbularius.fr/ jardindherbularius@gmail.com +336 87 43 95 63
Lo Diari n° 60 de març/abriu tanben sus la tela, qu’ei sos-titolat d’ara enlà La poesia occitana e lo fòcus n’ai Las Votz de las Hèmnas https://lodiari.com
Òc n° 136 de març de 2021 Revista Oc Frederic Fijac dinerèr, Brunò Peiràs secretari 625 La permendade 47300 BIAS mailto:oc.revista@orange.fr
Las musicas d’En Ondas A la demanda de Marie Baudoin u-ni-ca-ment musica deu labèl Pagans musica (a despart la captacion deus batracians) • Aronde ArondeSe jo sabiai • Sourdure De Mòrt VivaLa Rupture • Graulhas de St Pèr (ineditas) • Artús Ours – OrsTuta e Biodiversité Sonaus de Denis Fournier e Percussions Profile Le Mystère de la Pyramide
Lo Libe Negre de Salias en difusion tornar l’emission deu 17 de març de 2020 : imaginem un gran libe de memòria qui hasqui lei uei enqüèra. Libe singular, emblematic e memòria de la poblacion salièra quasi dus sègles de longa. Que l’avem adara a posita – mercés notaument a Benaset Cursente – publicat, anotat, comentat. Profieitem ! Un libe portat a mei d’ua persona : quate editors intellectuaus que son Maurici Romieu (per la lenga e la soa scripta), Jacques Pons, Jacques Staes e Benoît/Benaset de Cursente. Publicacion realizada en partir deu tribalh de Jean-Pierre Domecq (qui publiquè lo frut deus sons recèrcs tanben en 2017 Le livre noir de Salies-de-Béarn enfin révélé! a las edicions de l’Esvelhadou). L’obratge que’s titòla „Le Livre noir de Salies (1517-1684) : publication intégrale, annotée et commentée”, pareishut en 2017 a la Société des Sciences Lettres et Arts de Pau et du Béarn, e au parat aquesta edicion que pertòca la comunautat salièra. La colleccion qu’ei „D’hier à aujourd’hui”, e lo libe negre qu’ei lo ueitau volume, au prètz de 45 euros, un volume bèth de 520p.
Lo libe negre de Salias [1517 – 1684] Le Livre noir de Salies. SSLAPB, 2017.
Benoît Cursente, istorian de l´abitat, especiaument de la morfogenèsi deus vilatges en la Gasconha de l’atge miejancèr qu’estó influenciat per las problematicas e los metòdes de Charles Higounet, teorician e pratician d´ua « geo-istòria ». Arron la tèsi de cicle tresau, consacrada aus castelnaus de la Gasconha que diversifica los sons interès de cap a l´antropologia istorica. Esperit sintetic e sens istoric : jamei non har díser los documents au-delà de çò qui s’i tròba.
Suu moment n’avem pas trobat los mots Galimatias m. : machí-machèr, nhirgo-nhargo ; galamanha f. Gale f. : ronha, gratèra
Las musicas d’En Ondas inspiradas per cantas de pont e de hont. Sonque petits extrèits que los musicians e m’ac perdonen ! • Didier Squiban Porz Gwen An dro Pont Kalleg • André Ricros Un piano dans le pré La Font de las Amoras • Trobadors art ensemble Gerard Zuchetto la Tròba 1 (Guilhem de Peitius – Jaufre Rudel – Marcabru) Quan los rius de la montanha • Aymonino-Baudoin-Tisnèr Inedit Autorn de Pont • Mascarimiri Dieci anni tour La Fontanella Italia en cançon Sonaus de Denis Fournier e Percussions Profile Le Mystère de la Pyramide
Au somari de l’emission : la dusau part de l’entervista de Miquèu Neumüller cap-redactor d’Aquò d’Aquí dens ua seguida de tres emissions. Qu’obrim dab duas bracas : l’excellent n° 1167 de Parlam Gascon de Joan Jacme Fenie, dens lo Sud-Oèst Lanas e Suus camins de Nadau, la parucion deu recuelh de condes de nadau deu Miquèu Baris qui ei arribat a temps [en version bilingua OC-FR]. Per contactar Miquèu Baris e recéber a gratis lo son darrèr vadutmailto:barismic.oc@gmail.com06 09 62 52 99. Dab Miquèu Neumüller que devisam linha editoriau, qualitat de lenga, ensenhament, dossièrs internacionaus, … e pass sanitari. Per abonà’s a Aquò d’Aquí : https://www.aquodaqui.info 10 n° l’an, cada mes 24 paginas, tot en color, 27 euros aquodaqui@gmail.com. Suu site un deus ultims subjèctes au moment quan boclam En Ondas… que s’i parla de Pastorala ací tanben, aparentaments deus bons ! : https://www.aquodaqui.info/Una-%C2%A0Pastorala-per-lo-nostre-temps%C2%A0-en-Pais-Nicard_a2292.htmla basa de tèxtes d’Erri de Luca e Victor Gelu qui aprecii au-delà los dus ! Per entinoar 2022 que receberèi a Danís Chapduelh tà Lo Diari e que serà la tresau part d’aquesta seguida consacrada a magazines de la premsa occitana.
En relacion dab un deus perpaus de la presenta edicion, de senhalar l’excellent obratge « Molière l’occitan » de Claude Assémat en collaboracion dab Jean Feuillet, Jennifer Lazaric-Jungic, Guy Mathieu, Patrice Roques e Patrick Sauzet, en çò de Lambert-Lucas en 2014. Creo de la Talvera centre regionau per l’ensenhament de l’occitan en dehòra de l’airau istoric de l’occitan. Version occitana 80p. 15 € [existeish en version francesa].
Las musicas d’En Ondas • Flor Envèrsa disc eponim Flor Envèrsa Tèrra • Sam Karpiena Extatic malenconia tròç eponim • Ricardo Tesi Patrick Vaillant Veranda Capelli neri • Calandrons e escolans d’Oc Bi Viatge en lenga Garona • Joan Maria Carlòtti Dire Robèrt Lafont Lo ris es bas e ven de l’aiga Sonaus de Denis Fournier e Percussions Profile Le Mystère de la Pyramide
Hadiu 
You must be logged in to post a comment.