Category: Elisa Harrer

Patric Guilhemjoan que nse presenta Ça-i dab jo !, un metòde d’apréner l’occitan-gascon entaus gropes. Un metòde qui s’adreça en prioritat aus ensenhaires. Un formidable utís i comprés taus qui s’i volerén har d’ensenhar. De trobar au près de https://pernoste.com.
Mentre las hèstas de cap d’an e lo lor tròp de presents inutiles e s’aprèssan, non sèi pas tròp qué auherir, a despart de libes ! Los e las qui saben léger – me figuri – que trobaràn tostemps gai a descobrir univèrs desparièrs e los e las qui non, que poderàn apréner a manejar e entrar dens un libe e apréner a léger : causa hòrt diferenta que là de’s crebar los uelhs sus ua tela miní, mejana e gigantassa !
Que vs’aconselhi entà trobar lo vòste bonur de lecturas en occitan de vs’apressar de librerias especializadas en lenga e civilizacion nostas ! Que serà la prumèra part de l’edicion d’En Ondas d’aquesta setmana.
B’ei luenh adara la rentrada escolara, per tant entaus qui considerarén cambiar d’orizont professionau en los mestièrs d’apréner la lenga, un utís servider que serà lo Ça-i dab jo ! manuau e metòde d’aprentissatge en linha produsit per Patric Guilhemjoan e autes valents en çò de Per noste a la rentrada de 2024 : e badonc que l’encontram au Patric Guilhemjoan tà’n parlar.

Autas emissions d’En Ondas en companhia de Patric Guilhemjoan : https://hadiu.eu/?s=Guilhemjoan

Los ligams cap a librerias en linha entà las vòstas comandas :
E si véner per correspondéncia a podut estar ua solucion, adara que las còstas postaus s’envòlan, quaus consequéncias averà tanben sus aqueth sector ?
Un aute còp – lhèu se s’escad – que’vs parlarèi de totas aqueras librerias qui an un raionatge occitan com despuish temps la Librairie Occitània a Tolosa [7] rue du Taur, de la familha Thourel vienguda de Montauban.
Dejà essajatz de véder per ’quiu, suu site deus Reclams, on tot un tribalh estó hèit de compilat, pertocant la difusion de las edicions Reclams, daubuas librerias sensiblas aus nostes prètzhèits : https://reclams.org/oc/difusaires.
[1] Aqueras montanhas au 5 arrua de la Fontaine plaça François Récaborde a Pau https://www.laciutat.org/librairie 05.59.30.60.34 aquerasmontanhas@laciutat.org
[2] Découvertes occitanes Ostal del telh, 1 rue Jean Moulin 15000 Aurilhac, luns-ves, de 2 òras tà 6 òras e mieja deu vrèspe https://www.decouvertes-occitanes.fr/es/ 04 71 43 33 69‬ contact@decouvertes-occitanes.fr.
[3] Espaci occitan deis Aups charriera de l’estampariá 05000 Gap https://www.espaci-occitan.com/botiga/oc/ +33 4 92 53 98 40 info@espaci-occitan.com. Tà çò d’actualitat qu’an ua pagina especializada : https://www.facebook.com/espacioccitandelsaups/
[4] La Librarià occitana 42 rue Haute-Vienne 87000 Limoges https://www.libraria-occitana.org ‭05 55 32 06 44‬ libraria.occitana@ieo-lemosin.org
[5] La Tuta d’Òc I.E.O. 31 11, rue Malcosinat 31000 Tolosa|Toulouse contacte@latutadoc.com 05 61 12 30 53 http://libraria.latutadoc.com/ tanben que perpausan https://www.facebook.com/LaTutadOc/.
[6] Libreria Per Noste 34 Ter Place du Foirail 64300 Ortès|Orthez https://www.pernoste.com/association/actualites ‭05 59 67 07 11‬ secretariat@pernoste.com
[7] Librairie Occitània https://librairie-occitania.fr/historique/

Las musicas d’En Ondas
• Marc Mellits String quartet Quattuor Arnaga – Groove Canon
• Francis Lassus La vie, la vie Le globe bleu
• Viatge en lenga Lo rondèu novèu de Jan Mari Carlòtii visitat tornar peu mainats e collegians de Calandreta Roman Baudoin e Joan Francés Tisnèr
• Marc Mellits StrinG quartet Quattuor Arnaga – December 1989
• Bobby McFerrin Circlesongs n° 7
 Sonaus de Joan Francés Tisnèr Winter Surge inedit