Category: Literatura occitana

En Ondas setm. 26 Florian Vernet 2/2

Academia occitana,ausbau (lenga per elaboracion),Congrès permanent per la lenga occitana,edicion occitana,En Ondas,Ensenhament occitan,Florian Vernet,IEO edicions,Joan Loís Lavit,Joan Miquèu Dordeins,Jorn,Letras d'Oc,Literatura occitana,Lo gai saber,Occitan estandard-ausbau,Ràdio podcast de resisténcia en occitan,Reclams,Sèrgi Javaloyès,Toni Escala

Devisada en companhia de Florian Vernet, dusau part.
La question de l’occitan estandard, comun…
« Nos consideram com una colleccion de lengas » ce nse ditz Florian Vernet e aquò non lo va pas.
Ua situacion pr’amor non decidim pas collectivament de tirar las conclusions de l’estat de la lenga.
« Lo francés es en trin de devenir la lenga comuna de l’occitan per refús d’aver un occitan comun » ce nse previen Florian Vernet.
 » Escrivèvi pas, legissiái com un fòl ”.
S’ei ratrapat despuish, pageratz l’òbra : https://www.idref.fr/027181790 [e tot ne i ei pas…]
Un collòqui Florian Vernet en prevision : escrivan, lingüista, pedagògue, lo 20 d’octobre de 2023 a Montpelhièr Universitat Pau Valery.

Pegatge © DL

Los libes de Florian Vernet, com d’autes que’s tròban
Espaci occitan deis Aups https://www.espaci-occitan.com/botiga/oc/
Librariá occitana de Lemòtges https://www.libraria-occitana.org/
Aqueras montanhas a La Ciutat Pau (en cors d’estructuracion, repren lo hons Marrimpouey) https://aquerasmontanhas.org/pau-1.html

Las musicas d’En Ondas
• Crestian Vieussens Esquiç 5
• Deodat de Severac
• Velvet underground I cant’it stand it 
• Kronos quartet A thousand thoughts Tusen Tankar + Dark was the night Cold was the ground + La Sidounak Sayyada
• Joni Mitchell The beginning of survival The Beat Of Black Wings
 Sonaus de Joan Francés Tisnèr Winter Surge inedit

En Ondas setm. 25 Florian Vernet

Academia occitana,Al Cartero [Leonce Lacoaret],ausbau (lenga per elaboracion),Congrès permanent per la lenga occitana,En Ondas,Eric Gonzales,Florian Vernet,Literatura occitana,Occitan estandard-ausbau,Ràdio podcast de resisténcia en occitan,Roman policièr,Sèrgi Javaloyès

Florian Vernet e Eric Gonzalès que son dus qui òbran – e de quau faiçon de tria – tà l’occitan. Lo pont enter Gasconha e Provença o lo País niçard e enlà : Aran, Monèga, vaths deu pèmont e la Gardia piemontese italianas compresas, qu’ei la lenga d’abòrd. Quiò com de costuma l’ambicion d’En Ondas qu’ei la d’ua becuda. Tròp grana gana tau temps impartit. Ua prumèra bocada dab l’entervista de Florian Vernet.

© Wikipèdia Annabelle de FC

En mei quate anóncias d’actualitat on parlam sustot d’Eric Gonzalès qui nse deishè aus 59 en mai de 2023. Que ns’ac permet ua video tota fresca pareishuda, imatges excepcionaus produsits per Riccart Le Coz introdusits per l’aumenatge deu son amic Sèrgi Javaloyès : https://youtu.be/40Zh-oKA-E0. Se vs’interèssa d’escotar a l’Eric Gonzalès que hasoi uas emissions radiofonicas d’En Ondas. En lançar aqueth recèrc que n’averatz la tièra [que son emissions en navèra difusion de 2018] : https://hadiu.eu/?s=eric+gonzales.

Florian Vernet, vadut en 1941 a Besièrs, especialista de literatura : dogan e professor emerit de la fac de Montpelhièr Pau Valèry, doctor de la lenga, gramatician (disen lingüiste uei-le-dia) e escrivan. Dens la literatura qu’ei amator de sciéncia ficcion, d’anticipacion e de roman policièr e qu’a produsit entau Gai saber n° 566 un estudi suu polar en occitan. Duas emissions en la soa companhia a l’entorn de l’escritura e tanben deu tèma tibador de la lenga estandard [ausbau lenga per elaboracion]. Tà escotar au Florian Vernet dens d’autes programas d’En Ondas, seguitz https://hadiu.eu/?s=Florian+Vernet

En Ondas setm. 23 Elisa Harrer

Elisa Harrer,En Ondas,Literatura occitana,Per Noste,Pruas d'Agenh,Ràdio podcast de resisténcia en occitan

Lo rei Dagobèrt e autes racontes, Elisa Harrer (Lena dens lo libe), 176 pp. 11 euros (març de 2023). 11 novèlas-racontes, e un tot. Version bilingua en çò de Per Noste.
« L’escritura – ce nse ditz Elisa Harrer – qu’ei un long monològue qui vòu vàder un dialògue” : dialoguem lavetz en la soa companhia.

© K. Harrer

Polifonia de la narratora a 5, 7-8, 15, 17 ans e adulta. Ua polifonia d’escritura tota personau, enlusernanta de seguir pr’amor deu suspens, deus escapatòris a l’escòla, deu dedale familiau, de la construccion de l’identitat hens ua societat dada, suportada o insuportabla.
La magdalena d’Elisa qu’ei ua boeita de pruas d’Agenh.
« Escríver qu’ei descobrir çò d’important tà si-medish dens un procediment de memòria” Elisa Harrer.

Las musicas d’En Ondas
• Patric Valhant – Ricardo Tesi – Giancarlo Trovesi. Colline. Promenade, Maienca Dança, Il funambulo, Mazurazione.
 Sonaus de Joan Francés Tisnèr Winter Surge inedit

En Ondas setm. 08 Joan-Ives Casanòva

Christine Pascal,En Ondas,Jan de Casabona,Jan-Victòr Lalanne,Joan Hustaix,Joan-Ives Casanòva,L'Aucèu Libre,Literatura occitana,Marcelle Drutel L'Aubanelenca,Ràdio podcast de resisténcia en occitan,Roman occitan 1840-1930

Qu’a pareishut a l’estiu de 2022 en çò de l’Aucèu Libre, basat a Salinèlas e en version bilingua : Lei bèleis esvanidas. 137p. d’urgéncia de la memòria, deu díser deu traç, deu tralh de las destinadas. Revision ortografica Josiana Ubaud.
Que perseguim la conversacion dab Joan-Ives Casanòva. https://fr.wikipedia.org/wiki/Jean-Yves_Casanova
Qu’esperam qu’ajatz plaser a l’escotar, eth l’especialista de literatura comparada deus sègles XVIau e XVIIau e tanben deus sègles XIXau e XXau.
Que harga de longa ua òbra singulara, estiglanta autant com estacanta.

@Romane Peyrolle tà la cobèrta.

Las musicas d’En Ondas
• Philip Glass Dance I
• Philip Glass Opening
• Philip Glass Evening Song
• Philip Glass Islands
• Crestian Vieussens Esquiç
 Sonaus de Joan Francés Tisnèr Winter Surge inedit

En Ondas setm. 03 Sèrgi Javaloyès

Argeria,Bernat Manciet,En Ondas,Eric Gonzales,http://www.reclams.org,Joan Loís Lavit,Joan-Ives Casanòva,Les éditions In8,Literatura occitana,Max Rouquette,Oran,poesia occitana,Ràdio podcast de resisténcia en occitan,Reclams edicions,roman,Sèrgi Javaloyès

L’entervista a la quau e’vs convidi qu’ei cuelhuda a l’estiu de 2022. Qu’evocam solide la soa actualitat País d’exilis en çò de las edicions Reclams. Despuish, qu’a publicat L’homme est un ours qui a mal tourné, roman-bilanç en francés en çò de las edicions In8 pareishut a l’abòr de 2022. En la presenta entervista que parlam sustot inspiracion e escritura pertocant l’òbra soa. Solide que profieitam l’encontre tà parlar deus autes libes pareishuts o per paréisher que sian en francés o en occitan.

Que devisa Sèrgi Javaloyès de William Faulkner, Marguerite Yourcenar o Patrick Modiano e Eric Gonzalès, Max Rouquette, Itxaro Borda, Bernat Manciet e Joan-Ives Casanòva tà çò de l’escritura e de la critica literària. Tanben de subjèctes aus quaus e s’atèla com Bernadette Soubirous en poesia o un doble murtre a Pau suu cantèr de la sideracion deu monde.

Tà escotar d’autas emissions d’En Ondas, de Jòclong dab Sèrgi Javaloyès, seguir : https://hadiu.eu/?s=Javaloyès

Las musicas d’En Ondas
Denis Fournier, les fils du Vent deu disc le Mystère de la Pyramide
 Sonaus de Joan Francés Tisnèr Winter Surge inedit

Per un estiu radiofonic en escota a la demanda !

1984,Adeline Yzac,Alem Surre-Garcia,André Courrèges,André Minvielle,Anne-Pierre Darrées,APQV,Aquò d'Aquí,Bassin de Lacq,Benoît Cursente,Benoît Larradet,Carressa e Cassabè,Carresse-Cassaber,Catí Soublès,Cecila Chapduelh,Celina Ricard,Christian Pacher,Danèu Barneix,Danèu Loddo,Danís Chapduelh,Danièla Estebe-Hoursiangou,Danièla Julien,Daniel-Dpl,David Khatile,En Ondas,En Plaine Vue,Escòla Gaston Febus,Felip Biu,Françoise Etay,Gave d'Auloron,George Orwell,Jacques Ellul,Joan Miquèu Dordeins,Kanaky,Katy Bernard,la manufacture verbale,La Talvèra,Lac,Letras d'Oc,Ligams - La Passem,Literatura occitana,Lo Diari,Maurici Romieu,Michel Rodes,Miquèu Montanaro,Miquèu Neumüller,Mixel Etxekopar,Oc revista,País gascons,Philippe Garcia,Pierre-Yves Gourvil,Ràdio podcast de resisténcia en occitan,Reclams,Rellyd Fischer,Salias,Sepanso,Sissy Zhou,Sourdure,Yannick Jaulin

A l’escota lo quarantenat d’emissions de la temporada escorruda :
En Ondas (10/2021-06/2022)
La quarantaine d’émissions de la période écoulée en écoute à la demande
Sengla fòto clicada que mia au programa !
Cliquer sur chaque photo pour accéder à son programe !

Mercés a las ràdios que difusan tornar, aus auditors e a la gent qui’s hèn pòrtavotz.
Merci aux radios qui (re)diffusent, aux auditeurs et aux personnes qui se font porte-voix.

Produccions Cordae-La Talvera
https://hadiu.eu/2022/06/13/en-ondas-setm-23-tresia-pambrun/

En Ondas setm. 26 Danièla Julien De lòng de Ròse

Bovina,Camarga,Danièla Julien,El Trabucaire,En Ondas,Felibritge,Felip Gardy,Frederic Mistral,Gard,Gardon,Jorn,Josèp Roumanille,Josiana Ubaud,L'Aucèu Libre,Literatura occitana,Occitanisme,Ròse,Robèrt Lafont,Tarascon sus Ròse,Tresor deu felibritge

De lòng de Ròse = Le Long du Rhône de Danièla Julien, en çò de Jorn que son ueit novèlas en version bilingua. 151p., fòto NB de l’autora en illustracion de cobèrta : cèu e aiga de la riba esquèrra de Ròse, dab mei en p. 2 ua fòto d’ua petitona aus 3 (l’autora), suus jolh deu pair dens la jardinièira miada peu chivau e davantejada per la Mamet a pè [15 euros].

© D. Julien

Autantas destinadas femeninas com masculinas o de cople parièr, qui viven devath lo son calam, tota ua umanitat en fragilitat : la caça e las bèstias, la pesca e lo peish, la vegetacion (que merceja hòrt la botanista Josiana Ubaud peu son saber a posita tostemps) e la sciéncia de l’aiga dangerosa com purificatora. 

Ua tau escritura, be hè ben ! Dab De lòng de Ròse, dont la version francesa ei signada de la quita autora, la permanéncia deu fluvi europèu, qui acaba en delta camargués en la mediterranèa qu’ei cargada d’istòrias d’umanitat, de pèrda hens l’escritura, hens las aigas rodanencas qui vòlen plan deishar baissas, bartasses e lònas quan quitan pas la mair : perseguidas racistas o suicidis mancats, negadas, huecs dramatics e aigats tarribles. Tot un monde en movement qui viu de cotria dab lo flumi deu quau Danièla e sap contar las istòrias. Un monde a s’esvanir dab l’impermeabilizacion de las tèrras, la lor apraubida e lo lor emposoament lent e segur. Que perdonaràn se sembla mei a un collectatge l’entertien qui m’acordè Danièla Julien. N’avèvi pas enqüèra lejut los sons racontes au moment de l’entervistar. Lo prumèr devís, Panissa, autobiografic qu’ei estomagant de beutat, de vertat sus la descobèrta de l’acte d’escríver :«Mirèio, per ieu, serà totjorn dins la gàbia d’onte s’enfugiguèt la bèstia», la bèstia deu castèth de Panissa.

De léger tot viste !


En complement, las paginas wikipèdia de Frederic Mistral (véder tanben lo libe de Joan-Ives Casanòva Frederic Mistral au Trabucaire) o de Robèrt Lafont e los libes escrivuts per Danièla Julien « De mèu e de juscla » 2016 e « Lei contes de la sartan », a l’Aucèu Libre http://www.lauceulibre.com/catalogue-mars-2021.

 Sonaus de Joan Francés Tisnèr Winter Surge inedit
Sonaus adicionaus de Brian Eno, Joan Francés Tisnèr Sorrom borrom, Francis Lassus La vie, la vie o de Christian Vieussens Esquiç

En Ondas setm. 22 Alem Surre-Garcia (2au part)

Alem Surre-Garcia,Arnaut Daniel,Ausiàs March,Brueys,cant gascon,canta occitana,Carles Ferraud,Emmanuel Le Roy Ladurie,En Ondas,gasconha,Literatura occitana,Literatura tsigana,Pèire Cardenal,poesia occitana,Provença,Raimon Llull,Ràdio podcast de resisténcia en occitan,Roland Pecout | Rotland Pecot,Sefarades

Dusau part de l’entertien en companhia d’Alem Surre-Garcia dont l’esperit e va a hutas e qui avejam au sostirar ua sòrta de palmarès de l’excellència o de la singularitat literària sus 10 sègles d’escritura occitana entaus beocians qui èm ! Parat parièr de temptar lo noste interlocutor a’s riscar a de’n dessenhar quauques tilhas majas. Qu’evocam lo tèxte occitan non signat, lo deus anonimes, de la canta de malenconia gascona o de l’escarpa provençau. Au ras deu hons gascon : la poesia tsigana i comprés ! Poesia de l’errança, l’enrasigament e lo nomadisme d’un Rotland Pecot per exemple.

En França tot çò de la sciéncia populara, deu floclòre qu’ei desvalorat.
Per autant tota literatura que vad deus contes, de las cantas, de las arts oraus e corporaus !
Alem qu’encanta aqueste desencantament qui ns’atenh tanben e deu quau avem de’ns liberar.

Que perpausa un caminament enter dessacralizar e combàter l’inferiorizacion.

Las musicas d’En Ondas
• Rosina e Martina de Pèira Cançons de femnas Lo pòrta-lieit
• Sourdure De mòrt viva Trevia
• Eric Fraj Es sus la Talvera Joan Bodon (extrèit)
• Aziz Samaoui e University of Gnawa Maktoube 
e dab extrèits de Serge Pey e André Minvielle Nous sommes cernés par les cibles Graffiti e Villa-Lobbos Chamber music Mobius Five songs.
 Sonaus de Joan Francés Tisnèr Winter Surge inedit